સ્વાસ્થ્ય એલર્ટ / અંધારામાં વધારે સમય વિતાવનારા સાવધાન! નહીં તો મગજને થઇ શકે છે ગંભીર અસર, જાણો નુકસાન

• બંધ રૂમ અને અંધારામાં સમય પસાર કરવો નુકસાનકારક છે
• મગજને સ્વસ્થ રાખવા માટે વિટામિન D ખૂબ જ જરૂરી છે
• મગજને સ્વસ્થ રાખવા માટે તણાવથી દૂર રહો 

લોકો તેમના શરીર, ત્વચા, હૃદય, પેટ અને આ તમામ અંગોને સ્વસ્થ રાખવા માટે ખૂબ જ મહેનત કરે છે. પરંતુ તેઓ શરીરના સૌથી મહત્વપૂર્ણ અંગ એટલે કે મગજને સ્વસ્થ રાખવા માટે ઘણું કરી શકતા નથી. ઘણી વખત લોકો એવું કંઈક કરે છે, જે તેમના માનસિક સ્વાસ્થ્ય પર નકારાત્મક અસર કરે છે. આ જ રીતે જો તમે પણ અંધારામાં રહેવું વધુ પસંદ કરતાં હોય તો તે તમારા મગજ પર ખરાબ અસર કરી શકે છે. નિષ્ણાતો એવું પણ માને છે કે જો કોઈ વ્યક્તિ લાંબા સમય સુધી અંધારામાં રહે તો તેની મગજ પર ખરાબ અસર પડે છે.

બંધ રૂમ અને અંધારામાં સમય પસાર કરવો નુકસાનકારક છે
નિષ્ણાંતોનાં મતે, જો તમે લાંબા સમય સુધી અંધારાવાળા રૂમમાં રહો છો, તો તે શરીરમાં સેરોટોનિનનું ઉત્પાદન ઘટાડે છે. આ હોર્મોન્સ તમારો મૂડ સુધારે છે અને મગજના વિકાસમાં પણ મદદ કરે છે. અંધારામાં રહેવાથી મગજમાં આ હોર્મોન્સનું ઉત્પાદન ઓછું થઈ જાય છે. આ સાથે અંધારામાં રહેવાથી મગજમાં મેલાટોનિનનું ઉત્પાદન પણ અસંતુલિત થઈ જાય છે. જે તમારી ઊંઘની પદ્ધતિને સંતુલિત રાખે છે. નિષ્ણાંતો માને છે કે લાંબા સમય સુધી અંધારામાં રહેવાથી મગજની રચનામાં પણ ફેરફાર થાય છે. જેના કારણે યાદશક્તિ અને શીખવાની ક્ષમતા પર નકારાત્મક અસર પડે છે.

વાંચવા જેવું: ખતરનાક છે ઊંઘતા સમયે મોઢું ખુલ્લુ રાખવાની ટેવ! હોઈ શકે છે અનેક સમસ્યાઓ

આ રીતે તમારા મગજની સંભાળ રાખો
તમારા મગજને સ્વસ્થ રાખવા માટે તમારે વિટામિન D લેવું ખૂબ જ જરૂરી છે. તમે સવારના તડકામાં બેસીને વિટામિન D લઈ શકો છો. આ સાથે તમારા ઘરનાં બારી-બારણા ખુલ્લા રાખો. જેથી ઘરમાં અંધકાર ન રહે અને પ્રકાશ આવતો રહે. પ્રકાશથી ઘરમાં સકારાત્મક ઉર્જા આવે છે અને ઘરનું વાતાવરણ પણ સ્વસ્થ રહે છે. આ સિવાય મગજને સ્વસ્થ રાખવા માટે તણાવથી દૂર રહો અને હેલ્ધી ખોરાક લો. વિટામિન D, C અને આયર્નથી ભરપૂર ખોરાક જેમ કે મખાના, બદામ, અખરોટ, ગ્રીન ટીનું સેવન કરવાનું સુનિશ્ચિત કરો.