મનોરંજન / 'તારક મહેતા કા ઉલટા ચશ્મા'ના રોશનસિંહ સોઢીને જમીન ગળી ગઈ કે શું? સામે આવ્યું અપડેટ

અતિ લોકપ્રિય શો 'તારક મહેતા કા ઉલટા ચશ્મા'માં રોશનસિંહ સોઢીનું પાત્ર ભજવનાર એક્ટર ગુરુચરણ સિંહ છેલ્લાં 6 દિવસથી ગુમ છે હજુ સુધી તેમની કોઈ ભાળ મળી નથી. રોશન સિંહના ગુમ થવાનું હવે રહસ્ય ઘેરાયું છે. કારણ કે હજુ સુધી પોલીસને એવી કોઈ કડી નથી કે જેના દ્વારા તેમના સુધી પહોંચી શકાય.

ટૂંક સમયમાં થવાના હતા લગ્ન

એવું પણ સામે આવ્યું છે કે ગુરુચરણના ટૂંક સમયમાં લગ્ન થવાના હતા અને તેઓ આકરી નાણાભીડમાંથી પસાર થઈ રહ્યાં હતા.

શોધમાં લાગી પોલીસની ઘણી ટીમો

પોલીસે ગુરુચરણ સિંહના પિતાની ફરિયાદના આધારે હવે અપહરણનો કેસ નોંધ્યો છે અને 50 વર્ષીય અભિનેતાને શોધવા માટે ઘણી ટીમો બનાવવામાં આવી છે.

દિલ્હીના પાલમ એરિયામાંથી ગુમ

ગુરુચરણ સિંહે દિલ્હીના ATMમાંથી લગભગ ₹ 7,000 ઉપાડી લીધા હતા અને તેમનું છેલ્લું લોકેશન 24 એપ્રિલના રોજ તેમના ઘરથી થોડા કિલોમીટર દૂર પાલમમાં ટ્રેસ થયું હતું, ત્યારબાદ તેમનો ફોન બંધ થઈ ગયો હતો. ગુરુચરણના પિતાએ પોલીસ ફરિયાદમાં એવું જણાવ્યું હતું કે તેમનો પુત્ર 22 એપ્રિલ (સોમવાર)ના રોજ દિલ્હીથી મુંબઈ માટે નીકળ્યો હતો, પરંતુ ક્યારેય મુંબઈ પહોંચ્યો ન હતો. ની ફ્લાઇટ સોમવારે રાત્રે 8.30 વાગ્યે નિર્ધારિત હતી, પરંતુ તે લગભગ 9.14 વાગ્યે પાલમમાં ટ્રાફિક ઈન્ટરસેક્શન પર જોવા મળ્યો હતો. ધિકારીઓએ જણાવ્યું હતું.

સીસીટીવી ફૂટેજમાં રોડ ક્રોસ કરતો દેખાયો

ગુરુચરણ સિંહ સોમવારે રાત્રે પાલમ વિસ્તારમાં સ્થાપિત સુરક્ષા કેમેરા દ્વારા કેપ્ચર કરાયેલા ફૂટેજમાં અભિનેતા બેકપેક સાથે રોડ ક્રોસ કરતો જોવા મળ્યો હતો. તેણે દિલ્હી એરપોર્ટ સુધી પહોંચવા માટે જે રૂટ લીધો તે વિશે વધુ જાણવા માટે પોલીસ તેના ઘરની નજીકના સુરક્ષા કેમેરા પણ તપાસી રહી છે.