Chandrayaan-2 / ચંદ્રયાનને લઇ સામે આવ્યા વધુ એક ગુડ ન્યુઝ, મિશનના 8 મહિના બાદ દેખાડ્યો કમાલ

ભારત આજે તમામ ક્ષેત્રોમાં અવ્વલ બની રહ્યું છે. તેમાં પણ ખાસ કરીને સ્પેસ મામલે દુનિયામાં ડંકો વગાડી રહ્યું છે. તમને ખ્યાલ જ હશે કે ભારતે ચંદ્રયાન 3 પણ સફળતા પૂર્વક લોન્ચ કર્યું હતું. ચંદ્રયાન-3 મિશનને ઐતિહાસિક સફળતા મળ્યાને આઠ મહિના થયા છે. ચંદ્રયાન-3એ ચંદ્રના દક્ષિણ ધ્રુવ પર ઉતરાણ કરીને સમગ્ર વિશ્વમાં ઈતિહાસ રચ્યો હતો. હવે ચંદ્રયાન-2ને લઈને મોટા સમાચાર સામે આવ્યા છે. ISROના ચંદ્રયાન-2 મિશનએ ચંદ્રને સમજવા માટે બીજી અભૂતપૂર્વ શોધ કરી છે.

ઉત્તરીય ધ્રુવીય પ્રદેશમાં દક્ષિણ ધ્રુવીય વિસ્તારની સરખામણીમાં બમણું પાણી

આ અભ્યાસ એ પણ દર્શાવે છે કે ચંદ્રના ઉત્તરીય ધ્રુવીય પ્રદેશમાં દક્ષિણ ધ્રુવીય વિસ્તારની સરખામણીમાં બમણું પાણી બરફ છે. આ આંતરદૃષ્ટિ ભવિષ્યના ચંદ્ર મિશન માટે મિશન આયોજન અને સ્થળ પસંદગી માટે મહત્વપૂર્ણ છે. ઉપસપાટીના પાણીનો બરફ લગભગ 3.8 થી 3.2 અબજ વર્ષો પહેલા ઇમ્બ્રિયન સમયગાળાનો છે. આ જળ બરફનો પ્રાથમિક સ્ત્રોત જ્વાળામુખીના આ સમયગાળા દરમિયાન છોડવામાં આવેલ ગેસ હોવાનું માનવામાં આવે છે.

વધુ વાંચો : આખરે માલદીવે ભૂલ સ્વીકારી! PM મોદીની આલોચના પર વિદેશ મંત્રીએ કહ્યું 'આવું બીજી વાર...'

વૈજ્ઞાનિકોને ચંદ્રને વધુ સારી રીતે સમજવામાં મદદ મળશે

એક ખાનગી ચેનલના જણાવ્યા અનુસાર ચંદ્રયાન-2 મિશનના તાજેતરના તારણોએ ચંદ્રના ધ્રુવીય ક્રેટર્સની અંદર નોંધપાત્ર પાણી હોવાની માહિતી આપી છે. આ શોધને મોટી સફળતા તરીકે જોવામાં આવી રહી છે. તેનાથી વિશ્વભરના વૈજ્ઞાનિકોને ચંદ્રને વધુ સારી રીતે સમજવામાં મદદ મળશે. આ મહત્વપૂર્ણ શોધ ISROના સ્પેસ એપ્લિકેશન સેન્ટર (SAC) અને IIT કાનપુર, યુનિવર્સિટી ઓફ સધર્ન કેલિફોર્નિયા, જેટ પ્રોપલ્શન લેબોરેટરી અને IIT (ISM) ધનબાદ જેવી પ્રતિષ્ઠિત સંસ્થાઓ વચ્ચેના પ્રયાસ દ્વારા કરવામાં આવી છે. ઈન્ટરનેશનલ સોસાયટી ફોર ફોટોગ્રામેટ્રી એન્ડ મેથેમેટિકલ સેન્સિંગ જર્નલમાં પ્રકાશિત થયેલો અભ્યાસ દર્શાવે છે કે ચંદ્ર ધ્રુવીય ક્રેટર્સમાં સબસર્ફેસ બરફ સપાટીના બરફ કરતાં 5 થી 8 ગણો વધુ હોવાનો અંદાજ છે. આ શોધની અસરો દૂરગામી છે. આ જળ ભંડારોની પહોંચ ભવિષ્યના ચંદ્ર મિશનને સમર્થન આપવામાં મહત્વની ભૂમિકા ભજવશે.