ક્રાઈમ / સુરતને બોમ્બથી ઉડાવી દેવાની ધમકી આપવી ભારે પડી, ઉધના પોલીસે ઉત્તર પ્રદેશના શખ્સની કરી ધરપકડ

સુરતમાં ત્રણ જગ્યાએ બોમ્બ મુકવાની ધમકીથી પોલીસ તંત્રમાં હલચલ મચી ગઈ હતી. 7:30 સે 11:55 કે બીચ તીન જગહ પર બોમ્બ ધમાકા હોગા રોક સકો તો રોક લો એવું કહીને નરાધમ શખ્સે ફોન મૂકી દીધો હતો.

પોલીસને હેરાન કરવા કાવતરૂં કર્યું

કંટ્રોલ રૂમને આ ફોન આવતા પોલીસ તંત્ર હરકતમાં આવ્યું હતું અને તાત્કાલિક ઉચ્ચ પોલીસ અધિકારીને આ બાબતની જાણકારી આપવામાં આવી. ગણતરીની મિનિટોમાં ફોનની ધમકીને ગંભીરતાથી લઈ સુરત શહેરની SOG,PCB, DCB, સાયબર ક્રાઇમ સહિત ઉચ્ચ પોલીસ અધિકારીની ટીમ અને માણસો બોમ્બની ધમકી સામે કામગીરી કરવા કામે લાગી ગયા હતા.

વાંચવા જેવું: હિન્દુ નેતાઓની હત્યાના ષડયંત્રમાં સામેલ મૌલવીના સાગરિતની ધરપકડ, સુરત ક્રાઈમ બ્રાંચે મુઝ્ઝફરનગરથી ઝડપ્યો

બોમ્બ બ્લાસ્ટની ધમકી આપનારો ઝડપાયો

પોલીસને ફોન કયા વિસ્તારમાંથી આવ્યો એ ખબર હતી પણ એનું એકઝેક્ટ લોકેશન પકડમાં નહોતુ આવતું પણ ઉધના વિસ્તાર જ્યાથી ફોન આવ્યો હતો ત્યાં આરોપીની શોધખોળ કરવામાં આવી હતી. ધમકી પ્રમાણે ચાર કલાક વીતતા બોમ્બ વિસ્ફોટ ન થતા કોઈએ મસ્તી કરી હોય તેવું સામે આવતા ઉધના વિસ્તારમાં પોલીસે શોધખોળ શરૂ કરી હતી જેમાં પોલીસે આશિષ સિંગ નામના શખ્સની ધરપકડ કરીને પુછપરછ કરવામાં આવી છે.