Visa Free : વિશ્વભરના દેશોના પ્રવાસન ઉદ્યોગને કોવિડ -19 રોગચાળા પછી નોંધપાત્ર અસર થઈ હતી. આ તરફ હવે રોગચાળા પછી ઘણા દેશોએ પ્રવાસનને પ્રોત્સાહન આપવા અને વધુને વધુ લોકોને આકર્ષવા માટે વિઝા નિયમોમાં છૂટછાટની જાહેરાત કરી. ઘણા દેશો ભારતથી જતા પ્રવાસીઓને વિઝા ફ્રી એન્ટ્રી પણ આપી રહ્યા છે. તાજેતરમાં શ્રીલંકાની સરકારે વિઝા છૂટછાટને 31 મે સુધી લંબાવી હતી અને હવે થાઈલેન્ડ સરકારે પણ 11 નવેમ્બર 2023 સુધી વિઝા ફ્રી એન્ટ્રીની જાહેરાત કરી છે.
તમને જણાવી દઈએ કે ભારતની શાળાઓમાં ઉનાળાની રજાઓ આવવાની છે અને ઘણા લોકો રજાઓ મનાવવા માટે દેશ-વિદેશમાં પ્રવાસે જશે. જો તમે પણ થાઈલેન્ડ જવાનું વિચારી રહ્યા છો તો તમારા માટે આ સારા સમાચાર છે.
થાઈલેન્ડે વધુ 6 મહિના માટે વિઝા નિયમો હળવા કર્યા
ગયા વર્ષે એટલે કે 2023માં થાઈલેન્ડે ભારત સહિત ઘણા દેશોના નાગરિકો માટે 31 મે 2024 સુધી વિઝા ફ્રી એન્ટ્રીની જાહેરાત કરી હતી. દક્ષિણ એશિયાના ટાપુ દેશે હવે ભારત અને તાઈવાન માટે વિઝા નિયમોમાં છૂટછાટને વધુ 6 મહિના માટે લંબાવી છે. નવા આદેશ મુજબ હવે ભારતીયોને 11 નવેમ્બર 2024 સુધી થાઈલેન્ડ જવા માટે વિઝાની જરૂર નહીં પડે.
બ્લૂમબર્ગના અહેવાલ મુજબ થાઈલેન્ડના વડા પ્રધાન શ્રેથા થાવિસિને 7 મેના રોજ કેબિનેટની બેઠકમાં આ નિર્ણય લીધો હતો.તમને જણાવી દઈએ કે, ભારત અને તાઈવાનના નાગરિકો 30 દિવસ સુધીની માન્યતા સાથે ફ્રી વિઝા મેળવી શકે છે.
વધુ વાંચો : ભારતમાં હિન્દુઓની સંખ્યા ઘટી, મુસ્લિમની વધી, રિપોર્ટના આંકડા ચોંકી જાય તેવા
શ્રીલંકાએ પણ વિઝા નિયમોમાં છૂટછાટને લંબાવી
શ્રીલંકાની સરકારે પણ 6 મેના રોજ ભારત, ચીન, મલેશિયા, ઈન્ડોનેશિયા, થાઈલેન્ડ, રશિયા અને જાપાનથી આવતા લોકો માટે વિઝા નિયમો માં છૂટછાટ વધારવાની જાહેરાત કરી છે. હવે 31 મે 2024 સુધી વિઝા વિના શ્રીલંકાની મુલાકાત લઈ શકાશે. ભારતથી શ્રીલંકા જતા નાગરિકો શ્રીલંકાની સત્તાવાર વેબસાઇટની મુલાકાત લઈને 30 દિવસની માન્યતા સાથે વિઝા માટે ઑનલાઇન અરજી કરી શકે છે.
