લોકસભા ચૂંટણી 2024 / કોણ છે હસમુખ પટેલ? જેને ભાજપની ટિકિટ પર અમદાવાદ પૂર્વ પર ઠોક્યો છે તાલ, રાજકીય ગણિતમાં ગામડાનો દબદબો

લોકસભા ચૂંટણીને લઈને જોરશોરથી ચૂંટણી પ્રચાર ચાલી રહ્યો છે. દરેક ઉમેદવાર જીતના અને લીડના દાવા કરી રહ્યા છે. જોકે આ વખતે ગરમી ખુબ વધુ છે. તે પછી રાજકીય હોય કે, કુદરતી. પરંતુ આ ગરમી વચ્ચે મતદારોને રિઝવવા મતદારો એડિચોટીનું જોર લગાવી રહ્યા છે. ત્યારે અમદાવાદ પૂર્વ લોકસભા બેઠક પર ભાજપના ઉમેદવારલીડના દાવા કરે છે. ત્યારે ડે વિથ કેન્ડીડેટમાં એટલે કે, એક દિવસ નેતાની દીનચર્ચા જાણવાનો પ્રયાસ કર્યો છે. અમદાવાદ પૂર્વ લોકસભા બેઠકના ભાજપના ઉમેદવાર હસમુખ પટેલના ઘરે અમે પહોંચ્યા હતાં. ત્યાં નેતાજી ચૂંટણી પ્રચાર માટે નિકળવા તૈયાર હતા. જેથી અમે પણ તેમની સાથે નીકળી પડ્યા. અને તેમના પ્રચારની સાથે-સાથે અમે જનતાના મુદ્દાઓ વિશે થોડું જાણવાનો પ્રયાસ કર્યો હતો

7 વિધાનસભા બેઠકો આવે છે

અમદાવાદ પૂર્વ લોકસભા બેઠક કે, જેમાં 7 વિધાનસભા આવે છે. જેમાં દહેગામ, ગાંધીનગર દક્ષિણ, વટવા, નિકોલ, નરોડાત ઠક્કરબાપા નગર અને બાપુનગરનો સમાવેશ થાય છે. ગત લોકસભામાં અમદાવાદ પૂર્વમાં 62 ટકા મતદાન થયું હતું. અને તેમાં પણ 7 વિધાનસભામાં ગત લોકસભામાં સૌથી વધુ વટવામાં મતદાન થયું જ્યારે સૌથી ઓછું બાપુનગરમાં મતદાન થયું હતું. પરંતુ આ વખતે હસમુખ પટેલ તેમની બેઠક પર 65 ટકા મતદાન ઈચ્છી રહ્યા છે.

જનતાના અનેક પ્રશ્નો

અમદાવાદ પૂર્વ લોકસભા બેઠક પર જનતાના અનેક પ્રશ્નો છે. તો કેટલાક વિસ્તારોમાં ગુનાખોરી અને અસામાજિક પ્રવૃતિઓ પણ થઈ રહી છે. જેનું જનતા નિવારણ ઈચ્છે છે. આ સિવાય આવાસ મકાનોમાં ચાલતી ગુનાહિત પ્રવૃત્તિઓ વગેરે બાબતોએ પણ નેતાજી ધ્યાન આપવાના હોય તેવો દોવા કરી રહ્યા છે.

વાંચવા જેવું: 'રૂપાલાએ માફી માંગી છે, અમે ભાજપને સપોર્ટ કરીશું', રાજપૂત ક્ષત્રિય સુપ્રીમ કાઉન્સિલના પ્રમુખ

તમામ વાતોનો પરિણામ 4 જૂન આવશે

નેતાજીએ તો પોતાની ખુબ વાહવાહી કરી. મોદી હૈ તો મુમકીન હોની વાતો કરી. પરંતુ આ બેઠકના મતદારોના મનમાં શું છે તે પણ અમે જાણવાનો પ્રયાસ કર્યો હતો. મહત્વનું છે કે, અમદાવાદ પૂર્વ લોકસભા બેઠક પર સૌથી વધુ પટેલ અને દલિત મતદારો રહે છે. આ સિવાય અન્ય તમામ જ્ઞાતિના લોકો પણ વસવાટ કરે છે. તો સાથે જ વટવા, લાંભા અને વસ્ત્રાલ સહિત કેટલાક વિસ્તારમાં પર પ્રાંતીય લોકો પણ વસવાટ કરે છે. જે તમામ લોકોમાં હાલ એક સુર જોવા મળી રહ્યો છે. પણ આખરે મોહર કોના પર લાગે છે. તે 7 મે ના રોજ થનાર મતદાન અને 4 જૂન ના રોજ થનાર મતગણતરી બાદ સામે આવશે.