Election 2024 / 'આ વખતની ચૂંટણીમાં લોકોમાં મોદીને PM બનાવવાનો જુસ્સો છે': સહકાર સંમેલનમાં CM ભૂપેન્દ્ર પટેલ

આજે ભૂપેન્દ્રભાઇ પટેલ અને પ્રદેશ અધ્યક્ષ સી આર પાટીલની ઉપસ્થિતિમાં સહકાર સંમેલન યોજાયો હતો. જેમાં મુખ્યમંત્રી ભૂપેન્દ્ર પટેલે જણાવ્યું કે, સહકારીતા શબ્દ ખરા અર્થમાં સાર્થક આપણા પ્રધાનંત્રી નરેન્દ્ર મોદીએ કર્યું છે. તેમણે કહ્યું કે, ગુજરાત બે રીતે આગળ રહ્યું છે. જ્યારે અસહકારીતા આંદોલન કરવાનું હતું ત્યારે ગુજરાત આગળ હતું અને અત્યારે સહકારીતા આંદોલનમાં પણ ગુજરાત મોખરે છે. તેમણે કહ્યું કે, તે વખતે ગાંધીજી અને સરદાર વલ્લભભાઈ પટેલની જોડી ગુજરાતની હતી અને આજે પણ નરેન્દ્ર મોદીજી અને અમિત શાહની જોડી છે.

વાંચવા જેવું: 'રૂપાલાએ માફી માંગી છે, અમે ભાજપને સપોર્ટ કરીશું', રાજપૂત ક્ષત્રિય સુપ્રીમ કાઉન્સિલના પ્રમુખ

'સહકારીતા માટે સારૂ વાતાવરણ ઉભું થઈ ગયું છે'

મુખ્યમંત્રી ભૂપેન્દ્ર પટેલે કહ્યું કે, આપણા બધા માટે સહકારીતા માટે સારૂ વાતાવરણ ઉભું થઈ જ ગયું છે. ઈલેક્શન આવે અને જાય પરંતુ આ વખતે પહેલી વાર એવો માહોલ બન્યો છે કે, ક્લેરિટી સાથે નરેન્દ્ર મોદીને આ વખતે ત્રીજી વખત પ્રધાનમંત્રી બનાવવા છે. તેમણે કહ્યું કે, હું તેલંગાણા ગયો હતો ત્યાં પણ નરેન્દ્ર મોદીના નામનો જુસ્સો છે અને ત્યાં પણ મોદી મોદી થાય છે, આજે દેશમાં નરેન્દ્ર મોદી અને ભારતીય જનતા પાર્ટી પર સંપૂર્ણ વિશ્વાસ છે