ટેક / iPhone 18માં થઇ શકે છે આ 5 મોટા ફેરફાર, મળી શકે છે જોરદાર ફીચર્સ!

Apple એ કન્ફર્મ કર્યુ છે કે, તેનો આગામી લોન્ચ ઇવેન્ટ 9 સપ્ટેમ્બરના રોજ યોજાશે. આશા છે કે કંપની આ ઇવેન્ટમાં iPhone 18 Pro સિરીઝની સાથે એક નવો ફોલ્ડેબલ iPhone અને આગામી જનરેશનની Apple Watch લોન્ચ કરશે. જોકે iPhone 18 Pro Max ની ડિઝાઇનમાં વર્તમાન મોડેલની સરખામણીએ કોઈ ખાસ ફેરફાર થવાની શક્યતા નથી, પરંતુ રિપોર્ટ અનુસાર, તેમાં હાર્ડવેરને લગતા કેટલાક મહત્વપૂર્ણ સુધારા જોવા મળી શકે છે.

2nm પ્રોસેસ પર બનશે A20 ચિપ

iPhone 18 Pro Max માં નવી A20 ચિપ હોવાની આશા છે. રિપોર્ટ અનુસાર, તેનું ઉત્પાદન TSMC ની 2nm ટેક્નોલોજીનો ઉપયોગ કરીને કરવામાં આવશે. હાલનો iPhone 17 Pro Max 3nm પ્રોસેસ પર આધારિત A19 ચિપ સાથે આવે છે.

નવી ચિપ વધુ સારું પરફોર્મન્સ અને ઓછો પાવર વપરાશ પૂરો પાડે તેવી અપેક્ષા છે. આ ઉપરાંત, મેમરી અને ચિપ પેકેજિંગમાં ફેરફારો કરવામાં આવી શકે છે, જેનાથી AI ફીચર્સ અને મલ્ટીટાસ્કિંગ ક્ષમતાઓમાં વધારો થઈ શકે છે.

apple event is set: september 9

what they show:
- first foldable iphone: opens like a book into a 7.6 inch screen
- iphone 18 pro and pro max on the new a20 pro chip
- apple watch 12 and ultra 4

what they dont show: the regular iphone 18. it comes in spring 2027

so the… https://t.co/u9IGhKIl5A pic.twitter.com/Ng4abvYQLr

— Lola (❖,❖) (@LolaSt1400) August 27, 2026

મોટી બેટરી અને સારી બેટરી લાઇફ

iPhone 18 Pro Max માં 5,500mAh થી મોટી બેટરી વાત સામે આવી છે. જો આમ થશે, તો તે iPhone 17 Pro Max ની સરખામણીમાં એક મોટુ અપગ્રેડ હશે.

A20 ચિપ અને નવા Apple-ડિઝાઈન કરાયેલા નવા મોડમને કારણે આ ફોન લાંબા સમય સુધી ચાલી શકે છે. ગેમિંગ, વીડિયો રેકોર્ડિંગ અને AI ફીચર્સના ઉપયોગ જેવી પ્રવૃત્તિઓ દરમિયાન આ ફાયદો જોવા મળે છે.

નાનો Dynamic Island અને ધારે બ્રાઇટ ડિસ્પ્લે

એપલ આ વખતે 'ડાયનેમિક આઇલેન્ડ'નું કદ ઘટાડી શકે છે. એવા અહેવાલો છે કે Face ID હાર્ડવેરના સ્થાનમાં ફેરફાર કરીને આ કટઆઉટને નાની જગ્યામાં સમાવવામાં આવશે.

આ ઉપરાંત, ડિસ્પ્લે અગાઉ કરતાં વધુ બ્રાઇટ હોઈ શકે છે. તેમાં સુધારેલી LTPO પેનલ હોવાની અપેક્ષા છે, જ્યારે 120Hz ProMotion માટેનું સમર્થન જાળવી રાખવામાં આવે તેવી શક્યતા છે.

કેમેરામાં મળશે Variable Aperture

કેમેરા સેટઅપમાં ત્રણ 48MP સેન્સર હોવાની આશા છે, પરંતુ આ વખતે મોટો બદલાવ variable aperture હોઈ શકે છે.

આ ટેક્નોલોજી કેમેરાને જરૂરિયાત મુજબ સેન્સર સુધી પહોંચતા પ્રકાશના જથ્થાને નિયંત્રિત કરવાની સુવિધા આપશે. આનાથી ઓછા પ્રકાશવાળી સ્થિતિમાં વધુ સારા ફોટા મેળવી શકાશે અને વધુ પ્રકાશમાં વધુ સારો કંટ્રોલ મળી રહેશે.

નવા એપલ C2 Modem

iPhone 18 Pro Max માં Apple ના નવા C2 મોડેમનો સમાવેશ થવાની પણ ચર્ચા છે. આનાથી 5G કનેક્ટિવિટીની સાથે પાવર કાર્યક્ષમતામાં પણ સુધારો થઈ શકે છે. સેટેલાઇટ કનેક્ટિવિટી અને નેટવર્ક લોકેશન સંબંધિત પ્રાઇવસીમાં પણ સુધારાની અપેક્ષા છે.

આ પણ વાંચોઃ હવે Zomato પર નકલી પનીર નહીં! રેસ્ટોરાંએ અસલી ડેરી પ્રોડક્ટ વાપરવી પડશે, નિયમ નહીં માને તો રેસ્ટોરાં પણ ડીલિસ્ટ થશે

કુલ મળીને iPhone 18 Pro Max ની ડિઝાઇનમાં બહુ મોટો ફેરફાર ન હોય, પરંતુ નવી A20 ચિપ, મોટી બેટરી, નાનું ડાયનેમિક આઇલેન્ડ , વેરિયેબલ-એપરચર કેમેરા અને નવું મોડેમ તેને હાર્ડવેરની દ્રષ્ટિએ એક મોટું અપગ્રેડ બનાવી શકે છે. 9 સપ્ટેમ્બરે યોજાનાર Apple ઇવેન્ટમાં એ સ્પષ્ટ થશે કે આમાંથી કયા ફીચર્સ ખરેખર ફોનમાં સામેલ કરવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ