મહાકાલના શરણે / Akshay Kumar Birthday: જન્મદિન પર અક્ષય કુમારે કર્યા મહાકાલની ભસ્મ આરતીના દર્શન, શિખર ધવને પણ લીધા આશીર્વાદ

• અક્ષય કુમાર આજે એમનો 56મો જન્મદિવસ ઉજવી રહ્યા છે 
• અક્ષય કુમારે નંદી હોલમાં બેસીને ભગવાન મહાકાલનું ધ્યાન કર્યું
• ભારતીય ટીમના ક્રિકેટર શિખર ધવન પણ મહાકાલેશ્વર મંદિર પંહોચ્યાં હતા 

Akshay Kumar Birthday : બોલિવૂડ એક્ટર અક્ષય કુમાર 9 સપ્ટેમ્બરે એટલે કે આજે પોતાનો પોતાનો 56મો જન્મદિવસ ઉજવી રહ્યા છે.  પોતાના જન્મદિવસના ખાસ અવસર પર અક્ષય કુમાર પોતાના સમગ્ર પરિવાર સાથે ઉજ્જૈનના શ્રી મહાકાલેશ્વર મંદિર પહોંચ્યા હતા. આ દરમિયાન તેમની સાથે તેમના પુત્ર આરવ, બહેન અલકા હિરાનંદાની અને ભત્રીજી સિમરે પણ મહાકાલના દર્શન કર્યા હતા. જેનો વિડીયો હાલ ઘણો વાયરલ થઈ રહ્યો છે. 

નંદી હોલમાં બેસીને ભગવાન મહાકાલનું ધ્યાન કર્યું
અક્ષય કુમારે સવારની ભસ્મ આરતીમાં ભાગ લીધો હતો.  આ સાથે તેમણે નંદી હોલમાં બેસીને ભગવાન મહાકાલનું ધ્યાન કર્યું, આશીર્વાદ લીધા હતા. નોંધનીય છે કે આ દરમિયાન અક્ષય કુમાર સાથે ભારતીય ક્રિકેટ ટીમના ક્રિકેટર શિખર ધવન પણ હાજર હતા.

અક્ષય કુમારે ભગવાન મહાકાલ વિશે ઘણી માહિતી લીધી
હવે ત્યાંથી અક્ષય કુમારના ઘણા ફોટા સામે આવ્યા છે, જેમાં અક્ષય નંદી હોલમાં બેસીને ધ્યાન કરતો જોવા મળે છે. આ દરમિયાન તે ધોતીમાં જોવા મળ્યો હતો. મંદિરના પૂજારીએ જણાવ્યું કે અક્ષય કુમારે ભગવાન મહાકાલ વિશે ઘણી માહિતી લીધી અને કહ્યું કે તેમના જન્મદિવસ પર ભગવાન મહાકાલના રૂબરૂ દર્શન કરવાથી મોટી ભેટ શું હોઈ શકે. 

VIDEO | Bollywood actor @akshaykumar and cricketer @SDhawan25 visit Mahakaleshwar Temple in Madhya Pradesh's Ujjain. pic.twitter.com/gB0ijfyJHF

— Press Trust of India (@PTI_News) September 9, 2023

જણાવી દઈએ કે અક્ષય તેની આગામી ફિલ્મ 'મિશન રાનીગંજ'ની સફળતા માટે પ્રાર્થના કરવા માટે મહાકાલ પહોંચ્યા હતા. અક્ષય કુમારની આગામી ફિલ્મ ઓક્ટોબરમાં રિલીઝ થવા જઈ રહી છે અને આ ફિલ્મ સ્વ. શ્રી જસવંત સિંહ ગિલના વાસ્તવિક જીવનની ઘટના અને પરાક્રમી કાર્યથી પ્રેરિત છે.