કાર્યવાહી / એર હૉસ્ટેસનું સેક્સ રેકેટ : અમીર ગ્રાહકોને યુનિફોર્મમાં મોકલતા ફોટોઝ, પોલીસે હૉટલમાં રેડ કરીને કરી ધરપકડ

• વિયેતનામમાં વેશ્યાવૃત્તિના એક મોટા રેકેટનો પર્દાફાશ 
• સેક્સ રેકેટમાં એર હોસ્ટેસનો પણ સમાવેશ
• અમીર ગ્રાહકોને યુનિફોર્મમાં મોકલતા ફોટોઝ

એર હૉસ્ટેસ સેક્સ રેકેટ: વિયેતનામમાં વેશ્યાવૃત્તિના એક મોટા રેકેટનો પર્દાફાશ થયો છે. વાત જાણે એમ છે કે, આ સેક્સ રેકેટમાં એર હોસ્ટેસનો પણ સમાવેશ થાય છે. આ એર હૉસ્ટેસ એક રાત માટે ગ્રાહકો પાસેથી 2000 પાઉન્ડ સ્ટર્લિંગ અંદાજે રૂ. 2.10 લાખ ચાર્જ કરતી હતી. આ સાથે તે લક્ઝરી હોટલમાં રહેતી હતી. વિગતો મુજબ આ ગેંગમાં 30 કેબિન ક્રૂ મેમ્બર હતા.

હો ચી મિન્હ સિટીમાં બુધવારે સાંજે સત્તાવાળાઓએ હોટલ પર દરોડા પાડ્યા હતા. તેઓએ કથિત રીતે આ ગેંગના લીડર વો થી મૈ હાનની ધરપકડ કરી હતી. પોલીસે આ શખ્સ સાથે ત્રણ એરહોસ્ટેસને પકડી પાડી હતી. આ સાથે ચોથી મહિલા જે વ્યવસાયે મોડલ છે તેની પણ ધરપકડ કરવામાં આવી હતી. આ મહિલા ગ્રાહક સાથે ઝડપાઈ હતી

યુનિફોર્મમાં યુવતીઓની તસવીરો મોકલવામાં આવતી 
વો થી માઇ હાનને વેશ્યાવૃત્તિની શંકાના આધારે અટકાયતમાં લેવામાં આવી છે. ગ્રાહકોને લલચાવવા માટે તે એરલાઇન યુનિફોર્મમાં યુવતીઓની તસવીરો પુરુષોને મોકલતી હતી. એક અહેવાલ મુજબ 26 વર્ષની માઈ હાન વિયેતનામ એરલાઈન્સમાં એર હોસ્ટેસ હતી. થોડા મહિના પહેલા તેણે નોકરી છોડી દેહવ્યાપારના વ્યવસાયમાં ઝંપલાવ્યું હતું. તે ગ્રાહકોને શોધતી હતી.

એર હોસ્ટેસના નામે ગ્રાહકોને લલચાવી અને પછી.... 
વિયેતનામ એરલાઈન્સમાં એર હોસ્ટેસ માઈ હાને પ્લેન પાસે ઉભા રહીને કેટલાય ફોટોગ્રાફ્સ લીધા હતા. માઇ ​​હાન ગ્રાહકો પાસેથી તમામ પૈસા લેતી હતી. બાદમાં તે એક હોટલમાં મીટિંગ ગોઠવતી. આ જૂથમાં તેના ભૂતપૂર્વ સાથીદારો અને અન્ય એરલાઇન્સની છોકરીઓનો સમાવેશ થતો હતો. 

એર હોસ્ટેસ અને મોડલ્સને વધારાના પૈસા કમાવવાની તક 
કથિત રીતે એર હોસ્ટેસ અને મોડલ્સને વધારાના પૈસા કમાવવાની તક આપી હતી. પોલીસના જણાવ્યા અનુસાર તેની યાદીમાં 30 યુવતીઓ છે. આ મોટે ભાગે એર હોસ્ટેસ હોય છે. એર હોસ્ટેસના નામે તે અમીર ગ્રાહકોને લલચાવતી હતી.

દરેક બુકિંગ પર કમિશન
માઇ ​​હાન દરેક બુકિંગ દરમિયાન $295 અંદાજે રૂ. 24,400 ચાર્જ કરતી હતી. જેમાં આખી રાત યુવતીઓ સાથે રહેવા માટે 2 લાખ રૂપિયા લેતી હતો. પોલીસના જણાવ્યા અનુસાર, માઈ હાને લગભગ 35 લાખ રૂપિયા ભેગા કર્યા હતા. સોશિયલ મીડિયા પર તેની પ્રોફાઇલ દર્શાવે છે કે, તે વિયેતનામમાં કેબિન ક્રૂ મેમ્બર છે, જે VIP મહેમાનોને હેન્ડલ કરે છે. તે પોતાની લક્ઝરી લાઈફસ્ટાઈલની તસવીરો સોશિયલ મીડિયા પર શેર કરતી હતી. તે આ બતાવીને છોકરીઓને આકર્ષતી હતી.