પબ્લિક પરેશાન / જવા-આવવામાં તકલીફ! અમદાવાદમાં 5- 6 ઓગસ્ટે 1 લાખ રિક્ષાના પૈડા થંભી જશે, 2 દિવસીય હડતાળનું એલાન

અમદાવાદમાં 5 અને 6 ઓગસ્ટે 1 લાખ રિક્ષાના પૈડા થંભી જશે કારણ કે રિક્ષા ચાલક એકતા યુનિયને ભાડા વધારાની માંગ સાથે બે દિવસીય હડતાળનું એલાન કર્યું છે. યુનિયને મિનિમમ ₹30 અને પ્રતિ કિ.મી ₹20 ભાડું કરવા માંગ કરી છે.

CNG ભાવમાં લાગી આગ

હાલમાં CNGનો ભાવ પ્રતિ કિલો ₹90.2 થી વધીને ₹94.02 પહોંચી ગયો છે જે લગભગ પેટ્રોલ અને ડીઝલના ભાવની નજીકમાં છે. છેલ્લા થોડા મહિનામાં CNGમાં ₹12 થી વધુનો ભાવવધારો થયો છે, જ્યારે સામે રિક્ષા ભાડામાં કોઈ વધારો થયો નથી જેને કારણે રિક્ષા ચાલકોને પરિવારનું ગુજરાન ચલાવવું ભારે પડી રહ્યું છે.

રિક્ષા ચાલક યુનિયનની શું માંગ?

રિક્ષા ચાલક યુનિયનની મુખ્ય બે માંગ છે જેમાં મિનિમમ ભાડું ₹30 અને પ્રતિ કિ.મીનું ભાડું ₹20 કરવાની માંગ સામેલ છે.

વધુ વાંચો : ગુજરાતના યુવાનો માટે મોટી ખુશખબર, CM ભૂપેન્દ્ર પટેલે આપી ભરતીની મંજૂરી, જાણો ડિટેલ્સ

રિક્ષા ચાલક એક્તા યુનિયનના પ્રમુખ શું બોલ્યાં

રિક્ષા ચાલક એક્તા યુનિયનના પ્રમુખ ઇમરાન મન્સૂરીએ કહ્યું કે છેલ્લા કેટલાક મહિનાઓમાં 12 રૂપિયા કરતા વધુ CNG ગેસના ભાવમાં વધારો થયો છે. જેથી 5 અને 6 ઓગસ્ટના દિવસે પ્રગતિ રિક્ષા ચાલક એકતા યુનિયન દ્વારા હડતાળ કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ