- નવમો વાયબ્રન્ટ નેશનલ બુક ફેર
- GMDC ગ્રાઉન્ડમાં યોજાયો બુક ફેર
- 65 પ્રકાશકો 140 બુક સ્ટોલ ફેરમાં ઉપલબ્ધ
અમદાવાદના આંગણે નવમો વાયબ્રન્ટ અમદાવાદ નેશનલ પુસ્તક ફેર નવરંગપુરામાં આવેલા GMDC ગ્રાઉન્ડમાં યોજાયો છે. આ પુસ્તક મેળામાં દેશભરના 65 જેટલા પુસ્તક પ્રકાશકોના 140થી વધુ બુક સ્ટોલ પર વિવિધ વિષયોનાં પુસ્તકો ઉપલબ્ધ છે. અમદાવાદ મ્યુનિસિપલ કોર્પોરેશન દ્વારા આયોજિત પુસ્તક મેળો 6 થી 12 જાન્યુઆરી સુધી યોજાયેલા પુસ્તક મેળામાં પ્રતિદિન હજારો પુસ્તક પ્રેમી અને શહેરીજનો મુલાકાત લઈને મનગમતા પુસ્તક ખરીદે છે.
વિવિધ કાર્યક્રમોનું પણ આયોજન કરવામાં આવ્યું
પુસ્તક મેળામાં સાહિત્ય સપ્તાહ અંતર્ગત કલા અને સાહિત્ય ક્ષેત્રના મહાનુભાવો, યુવા કવિ-સર્જકોનાં વક્તવ્યો, રસપ્રદ સાહિત્યિક ચર્ચાઓ, કાવ્યપઠન સહિત સંગીતના કાર્યક્રમોનું પણ આયોજન કરવામાં આવ્યું છે. તેમજ જ્ઞાનગંગા વર્કશોપમાં યુવાઓ માટે લેખન કૌશલ્ય વિકસાવવા રોજ બપોરે 12થી 3 દરમિયાન વર્કશોપ યોજાય છે, જેનો મુખ્ય ઉદ્દેશ્ય ગુજરાતી ભાષા તરફનું પ્રભુત્વ કેળવે તે છે. વધતા અંગ્રેજી માધ્યમ તરફના શિક્ષણ વચ્ચે માતૃભાષા પ્રત્યેના આકર્ષણ પુસ્તક મેળામાં આવતા મુલાકાતી તરફથી જોવા મળી રહ્યું છે. જે અંગે યુવાનો પણ માતૃભાષાને રસપ્રદ અને રોચક સાહિત્ય અને બાળસાહિત્યના અને ભાષા લેખનના પુસ્તકો ખરીદી રહ્યા છે.
વાંચવા જેવું: અમદાવાદથી ગાંધીનગર અવરજવર કરનારા આ ખાસ જાણી લેજો, વાઇબ્રન્ટ સમિટ-PMના રોડ શોને ટ્રાફિક પોલીસે જુઓ શું અપીલ કરી
ગુજરાતી ભાષા કેળવવા લોકોમાં જિજ્ઞાસા
અગ્રેંજી માધ્યમનું પ્રમાણ વધતા હવે ગુજરાતી ભાષા શીખવા માટે પણ લોકોની જિજ્ઞાસા વધી છે. જેની અસર પુસ્તક મેળામા જોવા મળી રહી છે. કેમ કે પુસ્તક મેળાની મુલાકાતે આવતા લોકો પોતાના બાળકો તેમજ યુવાન દીકરા-દીકરીઓ માટે ગુજરાતી ભાષામાં પ્રભુત્વ કેળવે તે મુજબના ગુજરાતી પુસ્તકો માગ વધી રહી છે. જેના માટે પુસ્તક મેળાની મુલાકાતે આવતા લોકો ગુજરાતી ભાષા લેખન કૌશલ્ય, ગુજરાતી ભાષા સમજ માટેના પુસ્તકો માગ કરી રહ્યા છે. તેમજ ગુજરાતીઓ ગુજરાતી ભાષાના પુસ્તકો ખરીદી રહ્યા છે.
