હડતાળ / ગુજરાતમાં વકીલોની હડતાળ, ક્લાર્ક, તલાટી અને નાયબ મામલતદારો સામૂહિક રજા પર ઉતર્યાં

ગુજરાતમાં વકીલોએ આજે હડતાળ પાડી હતી. ગુજરાત ભાડા વિધેયકના વિરોધને લઈને વકીલોએ વિરોધ પ્રદર્શન કર્યું હતું. ઉલ્લેખનીય છે કે નવા કાયદા સુધારો કરીને સત્તા ડે. કલેક્ટર અને નાયબ કમિશનરને સોંપવામાં આવી હતી. વકીલોનું કહેવું છે કે સત્તા ફરી કોર્ટને આપવામાં આવે.

ક્લાર્ક, તલાટી અને નાયબ મામલતદારો સામૂહિક રજા પર

ઉલ્લેખનીય છે કે વકીલોની હડતાળ સાથે રાજ્યમાં 10 હજારથી વધુ ક્લાસ-3ના રેવન્યુ ક્લાર્ક, તલાટી અને નાયબ મામલતદારો માસ CL પર ઊતરીને હડતાલ કરી છે, જેમાં અમદાવાદના જ 450થી વધુ કર્મચારીઓ, વડોદરા જિલ્લા મહેસુલી વિભાગના 350થી વધુ કર્મચારીઓ, રાજકોટમાં 450 મહેસૂલી કર્મચારીઓ અને સુરતમાં 500થી વધુ કર્મચારીઓ સામુહિક રજા પર ઉતરી જતા સરકારી કામકાજ ખોરવાયું છે. જન સેવા કેન્દ્ર પર પોતાના કામ માટે આવેલા નાગરિકોને ભારે હાલાકીનો સામનો કરવો પડ્યો.

વધુ વાંચો : "અમે સુધારિત ફોર્મ-6ને મંજૂર કર્યું નથી, ગેરકાનૂની કામ થયું હોય તો"... SIR વિવાદની વચ્ચે સુપ્રીમની મોટી ટીપ્પણી

સરકાર દ્વારા યોગ્ય નિર્ણય નહીં તો 7મી તારીખથી હડતાળ

આ વિરોધ પ્રદર્શન આવતીકાલે પણ યથાવત રહેશે અને જો સરકાર દ્વારા યોગ્ય નિર્ણય લેવામાં નહીં આવે, તો આગામી 7મી તારીખથી સમગ્ર ગુજરાતના તમામ મહેસૂલી કર્મચારીઓ અચોક્કસ મુદતની હડતાલ પર જવાની રણનીતિ ઘડી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ