હવામાન અપડેટ / અમદાવાદમાં એક દિવસમાં જ સિઝનનો 35 ટકા વરસાદ વરસી ગયો, 11 દિવસમાં 83 ટકા વરસાદ વરસ્યો, વરસાદની પેટર્ન બદલાતાં ચિંતા વધી

ચોમાસાની ત્રણ મહિનાની સિઝનમાં અમદાવાદ માટે ગણતરીના કેટલાક દિવસો જ સૌથી વધુ વરસાદવાળા સાબિત થયા છે. ચોક્કસ રીતે કહીએ તો માત્ર ૧૧ દિવસમાં શહેરમાં સિઝનના કુલ વરસાદનો ૮૩ ટકા વરસાદ નોંધાયો હતો. આ ભારે વરસાદ જુલાઈ અને સપ્ટેમ્બરના કેટલાક દિવસોમાં પડ્યો હતો.

અમદાવાદમાં દક્ષિણ-પશ્ચિમ ચોમાસાનું સત્તાવાર આગમન ૧ જુલાઈએ થયું હતું, જ્યારે સમગ્ર ગુજરાતમાં ચોમાસું સામાન્ય કરતાં એક સપ્તાહ મોડું પહોંચ્યું હતું, બીજી તરફ ૩ ઓક્ટોબરે અમદાવાદમાંથી ચોમાસાની વિદાય થઈ, જે સામાન્ય સમય કરતાં મોડી હતી. સમગ્ર સિઝન દરમિયાન રાજ્યમાં વરસાદની પેટર્ન અત્યંત અનિયમિત રહી હતી.

23 જુલાઈ સૌથી ભારે દિવસ: 24 કલાકમાં 11.65 ઈંચ વરસાદ

અમદાવાદ માટે આ ચોમાસાની સૌથી મોટી ઘટના 23 જુલાઈ રહી હતી. આ દિવસે ધોધમાર વરસાદના કારણે માત્ર 24 કલાકમાં 11.65 ઈંચ વરસાદ ખાબક્યો હતો. એક જ દિવસમાં પડેલો આ વરસાદ મોસમના કુલ વરસાદના 35 ટકા જેટલો હતો. મહિનાની શરૂઆતમાં અમદાવાદમાં સિઝનના સામાન્ય વરસાદની સરખામણીએ વરસાદનો આંકડો 75.8 ટકા હતો, જે 1 ઓક્ટોબર સુધીમાં વધીને ૧૦૭.૩ ટકા થઈ ગયો હતો.

વર્ષ પ્રમાણે અમદાવાદમાં વરસાદની પેટર્ન

વર્ષ વાર્ષિક વરસાદ સામાન્ય સરેરાશની ટકાવારી

આંકડા સંબંધિત વર્ષના ૪ ઓક્ટોબર સુધીના છે. ટકાવારીની ગણતરી ૨૦ વર્ષના મૂવિંગ એવરેજને આધાર બનાવી કરવામાં આવી છે.

ગુજરાતમાં સરેરાશ વરસાદ સામાન્ય કરતાં ૧૧ ટકા ઓછો

સમગ્ર ગુજરાતમાં સિઝનનો સરેરાશ વરસાદ સામાન્યના ૮૯ ટકા એટલે કે સામાન્ય કરતાં ૧૧ ટકા ઓછો નોંધાયો છે, જોકે આ વર્ષે રાજ્યના વિવિધ વિસ્તારોમાં વરસાદની અસમાનતા ખૂબ જ જોવા મળી હતી. એક તરફ દક્ષિણ ગુજરાતના નવસારી અને વલસાડમાં સામાન્ય કરતાં ૩૦ ટકાથી વધુ વરસાદ નોંધાયો હતો, બીજી તરફ સૌરાષ્ટ્રના દેવભૂમિ દ્વારકા અને પોરબંદર જેવા વિસ્તારોમાં ૬૦ ટકા કે તેથી વધુ વરસાદની ઘટ નોંધાઈ હતી.

આ પણ વાંચોઃ હિન્દુ યુવતીના અંગત વીડિયો ઉતારનાર ક્લબ 71 જિમ સંચાલકના 3 દિવસના રિમાન્ડ મંજૂર, રેડ દરમિયાન 1300 ફોટા મળી આવ્યા હતા

૨૦૨૬ના થોડા જ દિવસોમાં પડ્યો અતિભારે વરસાદ

ભારતીય હવામાન વિભાગે તાજેતરમાં આ વર્ષના દક્ષિણ-પશ્ચિમ ચોમાસા અંગેનું વિશ્લેષણ જાહેર કર્યું છે, તેમાં જણાવાયું છે કે આ વર્ષે અતિભારે વરસાદની ઘટનાઓ દેશના મધ્ય ભાગના કેટલાક વિસ્તારોમાં કેન્દ્રિત રહી હતી. આ વિસ્તારોમાં કોંકણ અને ગોવા, ઉત્તરાખંડ, હિમાચલ પ્રદેશ, સૌરાષ્ટ્ર અને કચ્છ, ગુજરાત, પશ્ચિમ મધ્યપ્રદેશ, તેલંગાણા, બિહાર, ઓડિશા, ઉપ-હિમાલયી પશ્ચિમ બંગાળ, કેરલમ અને ગંગાના પશ્ચિમ બંગાળના વિસ્તારોનો સમાવેશ થાય છે. નકશાના વિશ્લેષણ મુજબ આશરે ૧૧૫થી ૨૦૪ મિમી વરસાદની ૫૧ અતિભારે વરસાદની ઘટનાઓ નોંધાઈ હતી. જ્યારે ૨૦૪ મિમીથી વધુ વરસાદની આશરે ૩૪ અત્યંત ભારે વરસાદની ઘટનાઓ નોંધાઈ હતી. આ ઘટનાઓ મુખ્યત્વે દક્ષિણ ગુજરાતમાં કેન્દ્રિત રહી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ