ક્રાઈમ / અમદાવાદ ક્રાઈમ બ્રાન્ચે બાળ તસ્કરીનો કર્યો પર્દાફાશ, એક યુવતી સહિત 3 લોકોની ધરપકડ

અમદાવાદ ક્રાઈમ બ્રાન્ચે બાળ તસ્કરીનો પર્દાફાશ કર્યો છે. સાબરમતી વિસ્તારમાંથી માત્ર 1 મહિનાના બાળકનું અપહરણ થયું હતું. અમદાવાદ ક્રાઈમ બ્રાન્ચે સઘન તપાસ હાથ ધરી માત્ર 14 કલાકના ટૂંકા ગાળામાં બાળકને સુરક્ષિત શોધી કાઢી તેના માતા-પિતાને સોંપી દીધું છે.

યુવતી સહિત 3 લોકોની ધરપકડ

પોલીસે આ બાળક તસ્કરીના કારસામાં સામેલ એક યુવતી સહિત 3 આરોપીઓની ધરપકડ કરી છે. ક્રાઈમ બ્રાન્ચની ટીમે સીસીટીવી ફુટેજ અને ટેકનિકલ સર્વેલન્સના આધારે તપાસ તેજ કરી જીનલ, પ્રવીણ યાદવ સહિત 3 લોકોની અટકાયત કરી હતી. ઝડપાયેલા આરોપીઓ પાસેથી 1 માસનું બાળક હેમખેમ મળી આવતાં જ પોલીસે તાત્કાલિક બાળકને તેના વાલી સાથે મિલન કરાવ્યું હતું.

વધુ વાંચો : પાટડીના બામણવા ગામે 55 વર્ષીય વ્યક્તિની હત્યા, રાતે ખેતર સુવા જતી વેળાએ અજાણ્યા શખ્સોએ ધારિયું માર્યું

નિસંતાન દંપતિઓને વેચવાના હતા

આરોપીઓની પ્રાથમિક પૂછપરછમાં અત્યંત ચોંકાવનારો ખુલાસો થયો છે. ઝડપાયેલી ટોળકી નાના માસુમ બાળકોનું અપહરણ કરી તેને નિઃસંતાન દંપતીઓને મોટી રકમ લઈને વેચવાનો કાળો કારોબાર કરતી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ