વીડિયો / JNUમાં દિપીકા ગઈ અને તેના હાથમાંથી સરકારનો આ વીડિયો ગયો, બુધવારે થવાનો હતો રિલીઝ

• બોલીવુડ એક્ટ્રેસ દીપિકા પાદુકોણ ટ્રોલ્સના નિશાને
• કૌશલ્ય વિકાસ મંત્રાલયે દીપિકા પાદુકોણનો સ્કિલ ઇન્ડિયા પ્રોમોશન વીડિયોને ડ્રૉપ કરી દીધો
• આ વીડિયોમાં દીપિકા પાદુકોણ એસિડ અટેક અને સ્કિલ ઇન્ડિયાના મુદ્દા પર ચર્ચા કરી છે

કેટલાક લોકોએ તેમની ફિલ્મ 'છપાક' નો બહિષ્કાર કરી રહ્યા છે તો કેટલાકે દીપિકાના જેએનયુ (JNU) મુલાકાતને 'પબ્લિસિટી સ્ટન્ટ' બતાવ્યો છે. આ તમામની વચ્ચે કૌશલ્ય વિકાસ મંત્રાલય (Ministry of Skill Development) એ દીપિકા પાદુકોણનો સ્કિલ ઇન્ડિયા પ્રોમોશન વીડિયોને ડ્રૉપ કરી દીધો છે. 

આ વીડિયો બુધવારે (8 જાન્યુઆરી)એ જાહેર થવાનો હતો. આ વીડિયોમાં દીપિકા પાદુકોણ એસિડ અટેક અને સ્કિલ ઇન્ડિયાના મુદ્દા પર ચર્ચા કરી છે. 'ધ પ્રિન્ટ' માં છપાયેલા એક સમાચાર મુજબ, મંત્રાલયના એક સીનિયર અધિકારીએ આ વિશે જાણકારી આપી છે. અધિકારીએ કહ્યું છે કે, સ્કિલ ઇન્ડિયાને પ્રમોટ કરવા માટે દીપિકા પાદુકોણનો પ્રોમોશનલ વીડિયો બુધવારે રિલીઝ કરવાનો હતો. 

વીડિયોને મંત્રાલયની ઓફિસ શ્રમ શક્તિ ભવનમાં સર્કુલેટ કરવામાં આવી ચૂક્યો હતો પરંતુ ગુરુવારે જે ઘટનાક્રમ સામે આવ્યો તેની બાદ વીડિયોને હાલ ડ્રૉપ કરી દેવામાં આવ્યો છે. સરકાર વીડિયોનું મુલ્યાંકન કરી રહી છે. 45 સેકન્ડના આ વીડિયોમાં બોલીવુડ એક્ટ્રેસ સ્કિલ ઇન્ડિયા પર તમામ નાગરિકોને એકસમાન તક આપવાની વાત કહેતી નજરે પડી શકે છે.

તેના બાદ દીપિકા પાદુકોણ આ વીડિયોમાં પોતાની ફિલ્મ 'છપાક' નો ઉલ્લેખ પણ કરતી નજરે પડશે. છપાક એક એસિડ અટેક પીડિતાની સ્ટોરી છે જેમા એક સત્ય ઘટનાને દર્શાવામાં આવી છે.