નેશનલ / "કલ્યાણ મારા સિનિયર, તેમને બોલવાનો અધિકાર...", ઘમંડી હોવાના આરોપ પર બોલ્યા અભિષેક બેનર્જી

TMC: મમતા બેનર્જીના ભત્રીજા અભિષેક બેનર્જીએ કલ્યાણ બેનર્જીના આરોપોનો જવાબ સંયમિત સ્વરમાં આપતા કહ્યું, "તેઓ મારા સિનિયર છે, તેમણે મને મોટો થતો જોયો છે, અને તેમને પોતાની વાત કહેવાનો સંપૂર્ણ અધિકાર છે. હું તેમનો આદર કરું છું. અમે પાર્ટીની અંદર આ મુદ્દાઓ પર ચર્ચા કરીશું."

તૃણમૂલ કોંગ્રેસના નેતા અભિષેક બેનર્જીએ પાર્ટીની અંદર થઈ રહેલી ટીકાઓનો જવાબ આપ્યો છે. પૂર્વ મુખ્યમંત્રી મમતા બેનર્જીના ભત્રીજા અને ટીએમસી સાંસદ અભિષેક બેનર્જીએ કહ્યું, "કલ્યાણ બેનર્જી મારી વિરુદ્ધ બોલી શકે છે. તેમણે મને બાળપણથી જોયો છે. તેથી અમે પાર્ટીની અંદર દરેક બાબતની ચર્ચા કરીશું. મને કલ્યાણ બેનર્જી પ્રત્યે કોઈ કડવાશ નથી. હું તેમની વિરુદ્ધ કંઈ નહીં કહું."

ગુરુવારે કલ્યાણ બેનર્જીએ કહ્યું હતું કે અભિષેક બેનર્જી "ખૂબ ઘમંડી" છે. તેમણે સીનિયર નેતાઓનું સન્માન ન કરવાનું શીખી લીધું છે. કલ્યાણ બેનર્જીએ પાર્ટીની હાર અને વર્તમાન કટોકટી માટે તેમને જવાબદાર ઠેરવ્યા.

મમતા બેનર્જીને અલ્ટીમેટમ આપતા કલ્યાણે કહ્યું, "કાં તો અભિષેકને પાર્ટીમાં રાખો અથવા મને રાખો." જો પાર્ટી અભિષેક વગર ચાલી ન શકે, તો હું રહીશ નહીં. હું મમતા દીદી સાથે છું.

કોલકાતામાં પત્રકારો સાથે વાત કરતા અભિષેક બેનર્જીએ કલ્યાણના આરોપોનો સંયમિત સ્વરમાં જવાબ આપતા કહ્યું, "તેઓ મારા સિનિયર છે, તેમણે મને મોટો થતા જોયો છે, અને તેમને પોતાની વાત કરવાનો સંપૂર્ણ અધિકાર છે. હું તેમનો આદર કરું છું."

આ પણ વાંચોઃ નેશનલ / 24 કલાકમાં ત્રણ શહેરોમાં ફાયરિંગ, ફરીવાર લોરેન્સ બિશ્નોઈ ગેંગ થઇ એક્ટિવ

લડાઈમાં એક ઇંચ પણ પાછળ હટીશ નહીં

ભાજપ અંગે અભિષેક બેનર્જીએ કહ્યું, "અમે આ લડાઈમાં એક ઇંચ પણ પાછળ હટીશું નહીં. તમે અમને ઝુકાવી નહી શકો. અમે એજન્સીઓથી ડરતા નથી. ED, CBI અને CID અમારા પર હાવી નહી થઇ શકે. ધારાસભ્યો અને સાંસદોને ખરીદીને ટીએમસીને જુકાવી નહી શકો. તમે TMCને આ રીતે તોડી નહી શકો. તમે કહ્યું હતું કે તમે અન્નપૂર્ણા ભંડાર આપશો, પરંતુ હવે પરિસ્થિતિ બદલાઈ ગઈ છે. પહેલા તમારી જાતને પ્રશ્ન પૂછો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ