- ચીનનાં વિદેશમંત્રી બાદ રક્ષામંત્રી પણ ગાયબ
- લી શાંગફૂ 2 અઠવાડિયાથી દેખાયા નથી
- તેમની અનુપસ્થિતિને લઈને રહેમ એમાનુએલે કરી ટિપ્પણી
ચીન પોતાના મંત્રીઓ ગાયબ થયા હોવાનો દાવો કરી રહ્યું છે. ચીનનાં વધુ એક અધિકારી ગાયબ થયા હોવાની માહિતી ઈન્ટરનેટ પર વાયરલ થઈ રહી છે. ચીનનાં રક્ષામંત્રી લી શાંગફૂ આશરે 2 અઠવાડિયાથી ગાયબ છે. કોઈને નથી ખબર કે તેઓ ક્યાં છે.
હવે તેમની અનુપસ્થિતિને લઈને અનેક અફવાઓ ફેલાઈ રહી છે.જેની વચ્ચે જાપાનમાં સંયુક્ત રાજ્ય અમેરિકાનાં રાજદૂત રહેમ એમાનુએલે ગત શુક્રવારે ટ્વિટર પર ટિપ્પણી કરી હતી. તેમણે લખ્યું કે,' પહેલાં વિદેશમંત્રી કીન ગેંગ ગુમ થયાં પછી રોકેટ ફોર્સ કમાન્ડર્સ ગુમ થયાં અને હવે ડિફેન્સ મિનિસ્ટર લી શાંગફૂ છેલ્લાં 2 અઠવાડિયાથી દેખાયા નથી.'
29 ઑગસ્ટનાં છેલ્લી વખત દેખાયા હતાં
રિપોર્ટ અનુસાર ચીની રક્ષામંત્રી છેલ્લે 29 ઑગસ્ટ 2023નાં જોવા મળ્યાં હતાં. તે સમયે તેમણે બેજિંગમાં થયેલ ચીન-આફ્રીકા પીસ એન્ડ સિક્યોરિટી ફોરમ બેઠકમાં ભાગ લીધો હતો. આ બાદથી ચીની રક્ષામંત્રી સાર્વજનિકરૂપે નજર આવ્યાં નથી.
કોણ છે લી શાંગફૂ?
લી શાંગફૂ આ વર્ષનાં માર્ચમાં જ ચીનનાં રક્ષામંત્રી બન્યાં છે. તેમણે ગયાવર્ષે ઓક્ટોબરમાં જ કમ્યુનિસ્ટ પાર્ટીની કોંગ્રેસમાં કેન્દ્રીય સૈન્ય આયોગમાંથી રાજીનામું આપ્યું હતું. લી એક સૈન્ય પરિવારમાંથી આવે છે. લીનાં પિતા લી શાઓજૂ રેડ આર્મીમાં રહી ચૂક્યાં છે જેમણે 1930 અને 1940નાં દશકનાં અંતમાં જાપાની વિરોધી યુદ્ધમાં લડાઈ લડી હતી. તેઓ ગૃહયુદ્ધ, કોરિયાઈ યુદ્ધ દરમિયાન લૉજિસ્ટિક રેલ્વેનાં પુનર્નિમાણની ભૂમિકા માટે જાણીતા છે.
વિદેશમંત્રી પણ થઈ ગયાં છે ગાયબ
અત્રે ઉલ્લેખનીય છે કે થોડા સમય પહેલાં ચીનનાં વિદેશમંત્રીનાં પણ ગાયબ થવાની માહિતી સામે આવી હતી. હજુ સુધી લોકોએ તેમને સાર્વજનિક રીતે જોયા નથી. કિન ગાંગને બાદ શી જિનપિંગે રોકેટ ફોર્સનાં જનરલ લી યૂચાઓ અને જનરલ લિયૂ ગુઆંગબિનને પણ બરખાસ્ત કરી દીધાં હતાં.
