- જવાન ફિલ્મ સિનેમાઘરોમાં છવાઈ ગઈ
- વિકેન્ડ પર બોલિવુડજગતમાં ઈતિહાસ રચ્યો
- વર્કિંગ ડેનાં દિવસે પણ કરોડોની કમાણી
Jawan Box Office Collection Day 6: શાહરૂખ ખાનની ફિલ્મ જવાનનો દબદબો કાયમ છે અને મૂવીને દર્શકોનો ભરપૂર પ્રેમ પણ મળી રહ્યો છે. ફિલ્મ દરરોજ નવો રેકોર્ડ બનાવી રહી છે. 4 દિવસની અંદર જવાને વર્લ્ડવાઈડ 500 કરોડથી વધારેનું કલેક્શન કરી લીધું ત્યારે ફિલ્મે ભારતમાં પણ 300 કરોડથી વધારે કમાણી કરી લીધી છે.
આજે એટલે કે 6ઠ્ઠાં દિવસે કેટલી કમાણી?
જવાને પહેલા દિવસે 75 કરોડ રૂપિયાની કમાણી કરી હતી જ્યારે બીજા દિવસે 53.23 કરોડ બોક્સ ઓફિસમાં જમા થયાં હતાં. ફિલ્મે પોતાની રિલીઝનાં ત્રીજા દિવસે 77.83 તો ચોથાં દિવસે 80.01 કરોડની કમાણી કરીને ઈતિહાસ રચી દીધો હતો. વર્કિંગ ડે હોવાને લીધે સોમવારે ફિલ્મે 32.92 કરોડનો બિઝનેસ કર્યો. આજે છઠ્ઠાં દિવસે જવાન ફિલ્મે 28.50 કરોડ રૂપિયાની કમાણી કરી છે.
બોલિવુડનાં ઈતિહાસમાં બનાવ્યો રેકોર્ડ
શાહરૂખ ખાનની ફિલ્મ જવાને બોક્સ ઓફિસ પર ચોંકાવનારો રેકોર્ડ બનાવ્યો છે. આ બોલિવુડનાં ઈતિહાસમાં એવી પહેલી ફિલ્મ છે જેણે વિકેન્ડ પર એક દિવસમાં 80.01 કરોડનો બિઝનેસ કર્યો છે. ફિલ્મ અમેરિકામાં પણ છવાઈ ગઈ છે અને વીકેંડમાં સૌથી વધુ કમાણી કરનારી 5 ફિલ્મોની લિસ્ટમાં પણ શામેલ થઈ ગઈ છે. શાહરૂખની ફિલ્મ જવાન આ લિસ્ટમાં ચોથાં ક્રમ પર છે.
ફિલ્મે ચાર દિવસમાં વર્લ્ડવાઈડ 500 કરોડ રૂપિયાની કમાણી કરી
જવાન ફિલ્મે ચાર દિવસમાં વર્લ્ડવાઈડ 500 કરોડ રૂપિયાની કમાણી કરી છે. આ સાથે આ ફિલ્મના નામે એક રેકોર્ડ નોંધાઈ ગયો છે. જવાન આટલા ઓછા સમયમાં 500 કરોડના ક્લબમાં સામેલ થનારી પહેલી ફિલ્મ બની છે. જવાનના નામે માત્ર ભારતીય બોક્સ ઓફિસ પર જ નહીં પરંતુ દુનિયાભરમાં ઘણા રેકોર્ડ્સ બન્યા છે. ફિલ્મ રિલીઝ થયા બાદથી દેશભરમાં ઉજવણીનો માહોલ છે. લોકોમાં આ ફિલ્મનો ક્રેઝ જોવા મળી રહ્યો છે.
ફિલ્મની સ્ટારકાસ્ટ
જવાનના કલાકારોની વાત કરીએ તો આ ફિલ્મમાં વિજય સેતુપતિ, નયનથારા, સાન્યા મલ્હોત્રા, પ્રિયામણિ, સુનીલ ગ્રોવર પણ છે. તેમાં દીપિકા પાદુકોણનો પણ ખાસ રોલ છે.
