રાજકોટ / કારસ્તાન? સૌરાષ્ટ્ર યુનિ.ના સિન્ડિકેટ માંથી હકાલપટ્ટી થતાં ડો.કલાધર આર્યના સ્ફોટક ખુલાસા, સામે પક્ષે પણ કઈ બાકી ના રાખ્યું

• સૌરાષ્ટ્ર યુનિવર્સિટીના શિક્ષણ જગતમાં ખળભળાટ
• કાર્યકારી કુલપતિ ભીમાણી પર ડો. ક્લાધરે કર્યા ગંભીર આક્ષેપ
• કુલપતિ અને જે લોકોએ કારસ્તાન કર્યું છે તેમની સામે પોલીસ ફરિયાદ કરીશ: ડો. ક્લાધર આર્ય

સૌરાષ્ટ્રના શિક્ષણ જગતમાં ખળભળાટ મચ્યો છે. રાજકોટમાં પેપર લીક મામલે સૌરાષ્ટ્ર યુનિવર્સિટીમાં વિવધ હોદ્દેદારો દ્વારા આક્ષેપો પ્રતિઆક્ષેપ થઈ રહ્યાં છે. ફરી એકવાર સૌરાષ્ટ્ર યુનિવર્સિટીમાં રાજકારણ તેજ બન્યું છે. પૂર્વ સિડિકેન્ટ સભ્ય ડો. ક્લાધર આર્યએ કુલપતિ ભીમાણી પર ગંભીર પ્રકારના આક્ષેપો કર્યા છે તો બીજી તરફ કુલપતિ ભીમાણીએ પણ પત્રકાર પરિષદ યોજી છે.

ડો. ક્લાધર આર્યએ કુલપતિ ભીમાણી પર કર્યા ગંભીર આક્ષેપ
પૂર્વ સિડિકેન્ટ સભ્ય ડો. ક્લાધર આર્યએ કુલપતિ ભીમાણી પર ગંભીર પ્રકારના આક્ષેપો કરતા જણાવ્યું કે, નાની નાની ખોલકીઓમાં બાર-બાર અને તેર-તેર અભ્યાસક્રમોને મંજૂરીઓ આપવામાં આવી છે. તેમણે કહ્યું કે, જામજોધપુરના આંબરડી ગામે જઈને મેં જાતે તપાસ કરી છે. તેમણે કહ્યું કે, આંબરડી ગામમાં આવા નામના કોઈ વ્યક્તિ જ નહીં. સૌરાષ્ટ્રના અલગ અલગ પાંચ આંબરડી ગામે જઈને મે મતદાર યાદી માંગી છે અને 4,054 નામોની યાદી જાણી છે.

'છેતરપિંડી સહિતની કલમો સાથે દાવો કરીશ'
આર્યએ કહ્યું કે, હું ક્રિમિનલ પ્રોસિઝર કલમ હેઠળ કાર્યવાહી તરફ આગળ વધીશ અને ખોટા દસ્તાવેજો બનાવ્યા, છેતરપિંડી જેવા કામો કર્યા છે. તેમણે કહ્યું કે, કુલપતિ તેમજ જે લોકોએ કારસ્તાન કર્યું છે તેમની સામે હું પોલીસ ફરિયાદ કરીશ. તેમણે ઉમેર્યું કે,  હું કાયદાકીય નિષ્ણાતોની સલાહ લઈ રહ્યો છું કે, ક્રિમિનલની કલમો મુજબ કામ થઈ શકે કેમ. છેતરપિંડી સહિતની કલમો સાથે દાવો કરીશ અને વિધિવત પોલીસ ફરિયાદ પણ આગામી દિવસોમાં કરીશ. તેમણે વધુમાં જણાવ્યું કે, અલગ અલગ 14 અભ્યાસ સમિતિ પણ કુલપતિનો હોદ્દાઓ લઇ શકે છે. મારી પાસે તમામ દસ્તાવેજી પુરાવોઓ છે.

કુલપતિ પ્રો. ગિરીશ ભીમાણીની પત્રકાર પરિષદ
ડો. ક્લાધર આર્યના આરોપોને ફગાવતા કાર્યકારી કુલપતિ પ્રો. ગિરીશ ભીમાણી જણાવ્યું કે, ''ભાઈ'' ગીરી શબ્દનો ઉપયોગ તે તેમનો વિચાર છે અને અરજી કરનાર વ્યક્તિનું પણ જરૂર પડશે તો નિવેદન લેવામાં આવશે. ગેરકાયદેસર કોલેજોને મંજૂરી આપવાના આરોપમાં કહ્યું કે, યુનિવર્સિટીના નિયમો મુજબ જ મંજૂરી આપવામાં આવી છે. 22 કોલેજોની એલઆઈસીમાં એક જ વ્યક્તિ ગયા તે મુદ્દે જણાવ્યું કે, કોઈ સભ્ય જવા તૈયાર ન હોય તો જેને જવાબદારી આપી તેને નિયમ મુજબ એલઆઈસી કરી છે. રૂપિયા કટકટાવવા મદ્દે તેમણે ઉમેર્યું કે, એ કોઈ પણ આરોપ લગાવી શકે છે. તેમણે વધુમાં જણાવ્યું કે, ધારી કોલેજ કૌભાંડ મામલે તપાસ કમિટી કામ કરી રહી છે, સિન્ડિકેટ બેઠકમાં પણ આ અંગે તપાસ કમિટીની વાત કરી છે. તપાસ કમિટીમાં બે અધિકારીઓની નિમણુંક કરાઈ છે. તપાસ અહેવાલ આપ્યા પછી કાર્યવાહી કરવામાં આવશે. 5 એકરના જમીનના નિયમ મુજબ કોલેજોને મંજૂરી આપવામાં આવી છે.