- વડોદરામાં કેજરીવાલનો રોડશો
- પોસ્ટર વોર પર કર્યા પ્રહાર
- પોસ્ટર ફડાયા, અટકાયતો થઈ
ગુજરાત વિધાનસભાની ચૂંટણી હવે ગમે તે ઘડીએ જાહેર થઇ શકે તેમ છે. ત્યારે દરેક રાજકીય પક્ષોના રાષ્ટ્રીય કક્ષાના નેતાઓની ગુજરાત મુલાકાતો, રોડ શો અને સભાઑમોટા પાયે ઉછાળો આવી રહ્યો છે. જેના ભાગરુપે આજે આમ આદમી પાર્ટીના નેતા અને દિલ્હીના મુખ્યમંત્રી અરવિંદ કેજરીવાલે વડોદરામાં રોડ શો યોજ્યો હતો.
કેજરીવાલે પોસ્ટર વોર પર કર્યો વળતો પ્રહાર
આજે આમ આદમી પાર્ટીના નેતા અને દિલ્હીના મુખ્યમંત્રી અરવિંદ કેજરીવાલ તથા પંજાબના મુખ્યમંત્રી ભગવંત માન વડોદરામાં રોડ શો યોજ્યો હતો. અરવિંદ કેજરીવાલ અને ભગવંત માને ન્યાય મંદિર શહીદ ભગતસિંહ ચોકથી પોલા ગ્રાઉન્ડ પાસે કિર્તિ સ્તંભ સુધી તિરંગા યાત્રામાં હાજરી આપી હતી.જેમાં કેજરીવાલે પોતાના અંદાજમાં પોસ્ટર વોર પર વળતો પ્રહાર કર્યો હતો.
રોડ શો માં મોદી...મોદી... ના નારા પણ લાગ્યા
રોડ શો પહેલા વડોદરાના એરપોર્ટ બહાર રોડ પર કેજરીવાલ ગો બેકનું લખાણ લખવામાં આવ્યું હતું. તો આદમી પાર્ટીના કાર્યકરોએ કેજરીવાલ વિરોધી પોસ્ટરો ફાડી નાખ્યા હતા.વધુમાં વડોદરામાં કેજરીવાલના રોડ-શોમાં કાળા વાવટા ફરક્યાં હતા. તો કયાક રોડ શો માં મોદી...મોદી... ના નારા પણ લાગ્યા હોવાનું જાણવા મળી રહ્યું છે. આમ અરવિંદ કેજરીવાલના પોસ્ટર અને બેનર હટાવવા મુદ્દે આપ અને ભાજપના કાર્યકરો સામસામે આવી ગયા હતા અને ઘર્ષણ સજાર્યું હતું.એક તબક્કે વડોદરામાં ભાજપ કાર્યકરો અને પોલીસ વચ્ચે પણ ઘર્ષણ સર્જાયું હતું. આ દરમિયાન પોલીસને ભાજપ યુવા મોરચાના કાર્યકરોની અટકાયત કરવાની ફરજ પડી હતી. આમ કેજરીવાલની યાત્રાને લઈને વડોદરા માટે આજના દિવસે ગરમ માહોલ રહ્યો હતો. ત્યારે આગમી દિવસોમાં પ્રચારની રાજનીતિ કેવી ગરમી પકડે છે તે જોવું રહ્યું!
