- નોકરી ઈચ્છતા લોકો માટે ખાસ તક
- એરપોર્ટ ઓથોરિટી ઓફ ઈન્ડીયામાં પડી ભરતી
- 400 જગ્યાઓની થશે ભરતી
- મળશે 1.40 લાખ સુધીનો પગાર
કેન્દ્ર સરકાર હેઠળની એરપોર્ટ ઓથોરિટી ઓફ ઈન્ડીયામાં 400 જગ્યાઓની ભરતીની જાહેરાત કરાઈ છે. એરપોર્ટ ઓથોરિટી ઓફ ઈન્ડીયાએ રિક્રુટમેન્ટ નોટિફિકેશન બહાર પાડીને કહ્યું કે 400 Junior Executive (Air Traffic Control)ની જગ્યાઓ ભરવા માટે પાત્ર ઉમેદવારોએ પાસેથી અરજીઓ મંગાવવામાં આવે છે. 15 જૂન 2022થી આ જગ્યાઓ માટે અરજીઓ સ્વીકારવાનું શરુ થશે. વધારે વિગતો માટે ઈચ્છુક ઉમેદવારો વેબસાઈટ aai.aero.ની મુલાકાત લઈ શકે.
અરજીની છેલ્લી તારીખ 14 જુલાઈ 2022
400 જગ્યાઓની ભરતી માટે અરજીની છેલ્લી તારીખ 14 જુલાઈ 2022 છે. B.E./B. Tech/ B. Sc. (Engg.) ડિગ્રી ધરાવતા યુવાનો ઉપરોક્ત જગ્યાઓ માટે અરજી કરી શકે છે.
મહત્વપૂર્ણ તારીખો
ઓનલાઇન અરજી શરૂઆતની તારીખ: 15 જૂન, 2022
ઓનલાઇન અરજી કરવાની છેલ્લી તારીખ: 14 જુલાઈ, 2022
ઓન-લાઇન પરીક્ષાની કામચલાઉ તારીખ: એએઆઈની વેબસાઇટ પર જાહેર કરવામાં આવશે
એએઆઈ ભરતી 2022 ની ખાલી જગ્યાની વિગતો
જુનિયર એક્ઝિક્યુટિવ (એર ટ્રાફિક કન્ટ્રોલ): 400 પોસ્ટ
એએઆઈ ભરતી 2022 પગાર ધોરણ
જૂનિયર એક્ઝિક્યુટિવ (ઇ-1): રૂ.40000-3%-140000 . જુનિયર એક્ઝિક્યુટિવના પદ માટે દર વર્ષે સીટીસી આશરે રૂ. 12 લાખ (અંદાજે) હશે.
લાયકાત
શૈક્ષણિક લાયકાતઃ ભૌતિકશાસ્ત્ર અને ગણિત સાથે વિજ્ઞાન (B.Sc)માં ત્રણ વર્ષની ફુલ-ટાઇમ રેગ્યુલર બેચલર્સ ડિગ્રી. અથવા કોઈ પણ શાખામાં એન્જિનિયરિંગમાં ફુલ ટાઇમ રેગ્યુલર બેચલર ડિગ્રી. (ભૌતિકશાસ્ત્ર અને ગણિત એ સેમેસ્ટરના કોઈપણ એક અભ્યાસક્રમના વિષયો હોવા જોઈએ). ઉમેદવાર પાસે 10+2 ધોરણના સ્તરના બોલાતા અને લેખિત અંગ્રેજી બંનેમાં લઘુતમ નિપુણતા હોવી જોઈએ (ઉમેદવારે 10 માં અથવા 12 માં ધોરણમાં એક વિષય તરીકે અંગ્રેજી પાસ કર્યું હોવું જોઈએ).
પસંદગી પ્રક્રિયા
જે ઉમેદવારો ઉપર જણાવેલ પોસ્ટ્સ માટે અરજી કરવા માગે છે તેઓ નીચે જણાવેલ સત્તાવાર સૂચના દ્વારા શૈક્ષણિક લાયકાત, પસંદગી પ્રક્રિયા અને વયમર્યાદા ચકાસી શકે છે.
અરજી ફી
ઉમેદવારોએ અરજી ફી તરીકે 1,000 રૂપિયા ચૂકવવાના રહેશે. જો કે, એસસી/એસટી/મહિલા ઉમેદવારોએ અરજી ફી તરીકે માત્ર રૂ.81 ચૂકવવાના રહેશે. પીડબ્લ્યુડી અને એપ્રેન્ટિસો કે જેમણે એએઆઈમાં એપ્રેન્ટિસશીપ તાલીમ સફળતાપૂર્વક એક વર્ષ પૂર્ણ કર્યું છે, તેમને કોઈપણ ફીની ચુકવણીમાંથી મુક્તિ આપવામાં આવી છે.
અરજી કેવી રીતે કરવી?
રસ ધરાવતા અને પાત્ર ઉમેદવારો એરપોર્ટ ઓથોરિટી ઓફ ઇન્ડિયાની સત્તાવાર વેબસાઇટ aai.aero પર 14 જુલાઈ, 2022 પહેલા ઉપરોક્ત પોસ્ટ્સ માટે અરજી કરી શકે છે.
