અરેરાટી / પહેલા કાપી કેક અને પછી ગળું, અફેરની શંકાએ ગર્લફ્રેન્ડને ઉતારી મોતને ઘાટ, લાશ પાસે બેસી રહ્યો

• બેંગ્લોરમાં હત્યાની ચોંકાવનારી ઘટના
• અફેર હોવાની શંકામાં હત્યા નિપજાવી
• પોલીસે આરોપીની ધરપકડ કરી લીધી

બેંગ્લોરમાં હત્યાની ચોંકાવનારી ઘટના સામેં આવી છે. બેંગ્લોરના લગ્ગેરે ખાતે આરોપીએ તેની ગર્લફ્રેન્ડના જન્મદિવસે જ પ્રથમ કેક કાપીને ઉજવણી કર્યા બાદ યુવતીને મોતને ઘાટ ઉતારી દેતા ખળભળાટ મચી ગયો છે. આરોપીએ ગર્લફ્રેન્ડના ચારિત્ર્ય બાબતે શંકા રાખી તેનું ગળું કાપી હત્યા કરી નાખ્યાનો મામલો બહાર આવ્યો છે. નવ્યા નામની યુવતીના પ્રેમી પ્રશાંતે અફેર હોવાની શંકામાં તેની હત્યા નિપજાવી હોવાનું માનવામ આવી રહ્યું છે.

પોલીસે આરોપીની ધરપકડ કરી

પોલીસ વિભાગના સુરક્ષા વિભાગમાં ક્લાર્ક તરીકે કામ કરતી નવ્યા અને પ્રશાંત છેલ્લા 6 વર્ષથી પ્રેમ સંબંધમાં હતા. આ દરમિયાન નવ્યા અને પ્રશાંત દૂરના સબંધિ પણ થતા હતા. ત્યારે નવ્યાનો જન્મદિવસ હોવાથી પ્રશાંત નવ્યાના જન્મદિવસની ઉજવણી માટે આવ્યો હતો. જેની ઉજવણી કરી બની રાત્રે કેક પણ કાપી ખવડાવી હતી. આ દરમિયાન બને વચ્ચે કાંઈક આજુગતું બની જતા આરોપીએ પિત્તો ગુમાવી ધારદાર છરીના ઘા ઝીંકી દીધા હતા. બાદમાં જાણ થતા લોકો દોડી આવ્યા હતા અને યુવતીને બેંગલોરુની વિક્ટોરિયા હોસ્પિટલમાં ખસેડવામાં આવી હતી. આ દરમિયાન તેનું મોત નીપજ્યું હોવાનું ફરજ પરના તબીબે જાહેર કર્યું હતું. બીજી તરફ પોલીસે આરોપીની ધરપકડ કરી લીધી છે અને તપાસ ચાલુ છે. 

છરી વડે તેણીનું ગળું કાપીને હત્યા કરી નાખી

મહત્વનું છે કે બને પ્રેમસંબંધમાં હતા. આ દરમિયાન પ્રશાંતને શંકા હતી કે યુવતી અન્ય કોઈ સાથે ચેટિંગ કરી રહી છે. આ કારણોસર બંને વચ્ચે અવારનવાર ઝઘડા થતા અને ચારિત્ર્યની શંકા બન્ને વચ્ચે માથાકૂટનું ઘર બની ગઈ હતી. આ વેળાએ જન્મદિવસની ઉજવણી કર્યા બાદ શંકાના આધારે તેણે છરી વડે તેણીનું ગળું કાપીને હત્યા કરી નાખી હતી. બાદમાં આરોપી 4 કલાક મૃતદેહ પાસે જ બેઠો રહ્યો હતો. ત્યાને અંજામ આપ્યા બાદ તે કોઈ રસ્તો સૂઝતો જ હોય તેવી સ્થિતિ થઈ હતી.