મુરાદાબાદ / દેશમાં આ જગ્યાએ રસ્તા પર વહી ઘીની નદી, Video વાયરલ થતા જ લોકોએ દોટ મૂકી

મુરાદાબાદમાં મંગળવારે એક વિચિત્ર ઘટના બની હતી. જેમાં હરિયાણાથી રુદ્રપુરની ફેક્ટરી તરફ જઈ રહેલો વનસ્પતિ ડાલડા ઘી ભરેલ ટ્રક અચાનક રસ્તાની કિનારે પલટી મારી ગયો હતો. જેથી ટ્રકમાં ભરેલું ઘી સીધું રસ્તા પર વહેવા લાગ્યું હતું અને આસપાસના વાતાવરણમાં વિચિત્ર દૃશ્ય સર્જાયું હતું.

આ ઘટનાની જાણ થતાં જ આસપાસના લોકોની ભીડ જમા થઈ ગઈ હતી. જેમાં અમુક લોકો ડબ્બા લઈને રસ્તા પર વહેતા ઘીને ભેગું કરવા દોડી આવ્યા હતા. તેમને જોઈને લાગતું હતું કે મફતમાં મળતી વસ્તુને કોઈ ચૂકવા નથી માંગતું. આ સીનનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

જેમાં પોલીસને માહિતી મળતાં જ તેઓ ઘટનાસ્થળે પહોંચી હતી. આ અંગે એસપીએ જણાવ્યું કે ટ્રક હરિયાણાથી રુદ્રપુર જઈ રહી હતી અને કટઘર વિસ્તારમાં અનિયંત્રિત થઈને પલટી તહો ગઈ હતી. પોલીસે રસ્તા પર ઘી ભેગું કરતા લોકોને ત્યાંથી હટાવ્યા ગતા અને ટ્રાફિક વ્યવસ્થા રીસ્ટોર કરવા માટે રસ્તા પર વહેલા ઘીની સફાઈ કરાવી હતી.

વધુ વાંચો : રોડ પર છોકરી સાથે હેવાનિયત, પ્રાઈવેટ પાર્ટ ટચ કર્યો, બેડ ટચ કર્યો, વીડિયો વાયરલ

સદ્ભાગ્યે આ અકસ્માતમાં કોઈ વ્યક્તિને ઈજા થઈ નથી અને કોઈ જાનહાનિ પણ થઈ નથી. પોલીસની હાજરીમાં રસ્તો સાફ થયા બાદ વાહનવ્યવહાર સામાન્ય થઈ ગયો હતો. આ ઘટના સોશિયલ મીડિયા પર ચર્ચાનો વિષય બની ગઈ છે અને લોકો તેને લઈને વિવિધ પ્રતિક્રિયાઓ આપી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ