ટેક્નોલોજી / ટેન્શન, તણાવને લઇ સામે આવ્યો ચોંકાવનારો સર્વે, મોબાઇલ યુઝર્સ રહે એલર્ટ!

જો તમારા ફોનની બેટરી ઓછી થાય ત્યારે તમને ચિંતા થવા લાગે, તો તમે એકલા નથી. ભારતમાં, દર 10 માંથી 9 લોકોને આ ટેન્શન રહે છે. જેમ જેમ તેમના ફોનની બેટરી રેડ ઝોનમાં પહોંચે છે, તેમની ચિંતા વધુ તીવ્ર બને છે. તાજેતરના એક અહેવાલમાં જણાવાયું છે કે, લગભગ 90 ટકા મોબાઇલ વપરાશકર્તાઓની ચિંતા ત્યારે વધી જાય છે જ્યારે તેમના ફોનની બેટરીનું સ્તર 30 થી 50 ટકાની વચ્ચે આવે છે. જેમ જેમ બેટરીનું સ્તર ઘટતું રહે છે, તેમ તેમ યૂઝર્સની ચિંતાનું સ્તર વધુ વધે છે. આ માહિતી રિસર્ચમાંથી લેવામાં આવી છે.

સર્વેમાં સામે આવ્યા ચોંકાવનારા આંકડા

એક સર્વે મુજબ, લગભગ 90 ટકા લોકોએ તેમના ફોનની બેટરી લેવલ 50 ટકાથી ઘટીને 30 ટકા થઈ જાય ત્યારે ચિંતાનો અનુભવ કર્યો હોવાનું જણાવ્યું હતું. 90 ટકા જેટલા યૂઝર્સ દિવસમાં બે વાર તેમના ફોન ચાર્જ કરે છે. દરમિયાન, લગભગ 40 ટકા લોકોએ જણાવ્યું હતું કે તેઓ ચાર્જિંગ માટે પ્લગ ઇન હોવા છતાં પણ તેમના ફોનનો યૂઝ કરે છે. સર્વેમાં સામેલ 65 ટકા લોકોએ જણાવ્યું હતું કે તેઓ બેટરીના સારા પ્રદર્શન માટે તેમના ફોન બદલવા માટે તૈયાર છે. તેવી જ રીતે, 40 ટકા મોબાઇલ યૂઝર્સે જણાવ્યું હતું કે, તેઓ સવારે ઉઠ્યા પછી સૌથી પહેલા અને રાત્રે સૂતા પહેલા તેમના ફોનનો ઉપયોગ કરે છે. નોંધનીય છે કે, 750 મિલિયન મોબાઇલ યૂઝર્સ સાથે ભારત વિશ્વનું બીજું સૌથી મોટું સ્માર્ટફોન બજાર છે.

AI ફીચર્સ જોઇને ફોન ખરીદી રહ્યા છે લોકો

કેમેરા અને બેટરી પર ધ્યાન કેન્દ્રિત કરવાને બદલે લોકોએ હવે તેમના AI ફીચર્સ પર આધારિત ફોન ખરીદવાનું શરૂ કર્યું છે. રિપોર્ટમાં જણાવવામાં આવ્યું છે કે લગભગ 89 ટકા લોકો હવે ખરીદી કરતા પહેલા ફોનની AI ફીચર્સનું મૂલ્યાંકન કરે છે.

આ પણ વાંચોઃ ભૂલથી પણ આ વોર્નિંગ સાઇન દેખાય તો સમજી લેવું કે પાવરબેંક ફાટી શકે!

AI ફીચર્સ બને ડિસાઇડિંગ ફેક્ટર

સ્માર્ટફોન પસંદગીમાં હવે આર્ટિફિશિયલ ઇન્ટેલિજન્સ એક મુખ્ય પરિબળ બની ગયું છે. લગભગ 89 ટકા લોકો AI સુવિધાઓના આધારે ખરીદીના નિર્ણયો લઈ રહ્યા છે. નોંધનીય છે કે, 15,000–20,000 રુપિયા ની કિંમતના સેગમેન્ટમાં પણ, ગ્રાહકો AI ફીચર્સ પર ખૂબ ધ્યાન આપી રહ્યા છે. Gen Z યૂઝર્સ સામગ્રી બનાવવા અને મનોરંજન માટે AI નો ઉપયોગ કરી રહ્યા છે, ત્યારે મિલેનિયલ પ્રોડક્ટિવિટી અને પ્લાનિંગ માટે કરી રહ્યા છે. મહિલાઓ માટે તેઓ રોજિંદા કાર્યોમાં મદદ કરવા અને તેમની જીવનશૈલીની જરૂરિયાતોને પૂર્ણ કરવા માટે AI ફીચર્સને યૂઝ કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ