ટેક્નોલોજી / ભૂલથી પણ આ વોર્નિંગ સાઇન દેખાય તો સમજી લેવું કે પાવરબેંક ફાટી શકે!

જો તમે મુસાફરી કરી રહ્યા છો અને તમારી સાથે પાવર બેંક છે, તો તમારે તમારા ફોનને ચાર્જ કરવાની ચિંતા કરવાની જરૂર નથી. પહાડ, જંગલ, સમુદ્ર કિનારે હોય, તમે ગમે ત્યાં હોય - તમે તમારા ફોન અને અન્ય ગેજેટ્સને ચાર્જ કરવા માટે પાવર બેંકનો ઉપયોગ કરી શકો છો. તેનો ઉપયોગ કરવો અતિ સરળ છે, પરંતુ ખામી ક્યારેક તેને ગંભીર જોખમમાં ફેરવી શકે છે. આ જોખમોને ધ્યાનમાં રાખીને, વિમાનમાં પાવર બેંકનો ઉપયોગ પ્રતિબંધિત કરવામાં આવ્યો છે. તેથી જો તમને ઉપકરણમાં કોઈ અનિયમિતતા દેખાય છે, તો તમારે તેનો ઉપયોગ કરવાનું ટાળવું જોઈએ. આજે આવો પાવર બેંકમાં આગ લાગતા પહેલા દેખાતા ચેતવણી સાઇન વિશે જાણીએ...

Power Bankના આ Warning Sign ને ઇગ્નોર ના કરો

યૂઝમાં ન હોય ત્યારે પણ ગરમ થવુંઃ

જો પાવર બેંક યૂઝમાં ન હોય ત્યારે પણ ગરમ થાય છે, તો તે ચેતવણીનો સંકેત છે. આ સૂચવે છે કે આંતરિક રાસાયણિક પ્રતિક્રિયાઓમાં કંઈક ખોટું થયું છે, જેના પરિણામે હિટ જનરેટ થાય છે.

પાવર બેંકનું ફૂલવુ:

પાવર બેંકમાં ગેસ ફસાયેલ હોવાથી તે ફૂલી શકે છે. જો તમને સહેજ પણ સોજો દેખાય, તો તમારે તાત્કાલિક તેનો ઉપયોગ બંધ કરી દેવો જોઈએ. આમ કરવાથી આગ લાગવાનું જોખમ રહેલું છે.

પાવર બેંકમાંથી દુર્ગંધ:

જો પાવર બેંકમાંથી પ્લાસ્ટિક કે રસાયણોની ગંધ આવે છે, તો તમારે તેનો ઉપયોગ કરવાનું ટાળવું જોઈએ. આવી ગંધ સામાન્ય રીતે આંતરિક ઘટકોમાં ખામી અથવા લીક થવાનો સંકેત આપે છે.

ફિઝિકલ ડેમેજઃ

જો પાવર બેંકને ફિઝિકલ ડેમેજ થયું હોય પછી ભલે તે પડી જવાથી હોય કે અન્ય કારણોસર તો તમારે તેનો યૂઝ કરવાનું ટાળવું જોઈએ. જો તમને કોઈ ક્રેક દેખાય અથવા તે કોઈપણ રીતે વાંકા દેખાય, તો તેને સુરક્ષિત જગ્યા પર રાખો.

ટ્રાવેલ કરનારા લોકો રાખો આ વાતોનું ધ્યાન

જો તમે હવાઈ મુસાફરી કરો છો, તો લિથિયમ-આયન બેટરી અંગે ખાસ સાવધાની રાખવી જરૂરી છે. એક સર્વેમાં જાણવા મળ્યું છે કે 83 ટકા હવાઈ પ્રવાસીઓ મોબાઈલ ફોન, 60 ટકા લેપટોપ અને 44 ટકા પાવર બેંક સાથે મુસાફરી કરે છે. આ બધા ડિવાઇસમાં લિથિયમ-આયન બેટરી હોય છે. તેથી ઘણા પરિબળો ધ્યાનમાં રાખવા જરૂરી બની જાય છે.

આ પણ વાંચોઃ આ જ મહિને યોજાશે Googleની ખૂબ મોટી ઇવેન્ટ, Android 17ને લઇ વધ્યું સસ્પેન્સ

ધ્યાનમાં રાખવી જરૂરી

• મુસાફરી કરતા પહેલા, બેટરી અને પાવર બેંક સંબંધિત એરલાઇનના નિયમોની જાણકારી લો.
• મુસાફરી કરતી વખતે, ફક્ત આવશ્યક ડિવાઇસેસ જ તમારી સાથે રાખો.
• જો તમને મુસાફરી દરમિયાન પાવર બેંક અથવા બેટરીમાં કોઈ ખામી જણાય, તો તાત્કાલિક ક્રૂને જાણ કરો.
• ફોન, લેપટોપ અને પાવર બેંક જેવા ડિવાઇસેસ હંમેશા તમારા હેન્ડ લગેજમાં રાખો.
• જો તમારી પાસે બેટરી છૂટી હોય, તો તેને યોગ્ય રીતે પેક કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ