ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / તમારા કામનું / 1 સપ્ટેમ્બરથી બદલાશે 7 મોટા નિયમ, LPG e-KYCથી લઈને ITR સુધી, જાણો શું બદલાશે
8 ફોટો ગેલેરી
Last Updated: 05:49 PM, 29 August 2026
FOLLOW ON
શેર કરો
1/8
ઓગસ્ટ મહિનો પૂર્ણ થવાની સાથે જ 1 સપ્ટેમ્બર 2026થી દેશમાં સામાન્ય નાગરિકો, કરદાતાઓ અને મુસાફરો સાથે જોડાયેલા અનેક પ્રશાસનિક તથા નાણાકીય નિયમો બદલાવા જઈ રહ્યા છે. આ નવા નિયમોની સીધી અસર સામાન્ય માણસના ખિસ્સા, ઘરના બજેટ અને દૈનિક જીવનશૈલી પર પડશે. પેનલ્ટી કે અન્ય કોઈ મુશ્કેલીથી બચવા માટે આ 7 મોટા ફેરફારો વિશે જાણી લેવું તમારા માટે ખૂબ જ મહત્વપૂર્ણ છે..
આ તસવીર શેર કરો
2/8
વિદેશ યાત્રા કરતા મુસાફરો માટે 1 સપ્ટેમ્બરથી એરપોર્ટ પર પ્રક્રિયા વધુ સરળ બનશે. બ્યુરો ઓફ ઇમિગ્રેશનના નવા દિશાનિર્દેશો મુજબ હવે ઇમિગ્રેશન કાઉન્ટર પર બોર્ડિંગ પાસ પર ફિઝિકલ સ્ટેમ્પ લગાવવાની જરૂર રહેશે નહીં. મુસાફરો પોતાના મોબાઈલમાં ઈ-બોર્ડિંગ પાસ (e-Boarding Pass) કે તેની પ્રિન્ટ બતાવીને મુસાફરી કરી શકશે. આનાથી સમયની બચત થશે અને સ્ટેમ્પ ઝાંખો થવા કે ખોવાઈ જવાની વિટંબણામાંથી મુક્તિ મળશે.
આ તસવીર શેર કરો
ADVERTISEMENT
3/8
ઘરેલુ એલપીજી ગેસ કનેક્શન ધરાવતા ગ્રાહકો માટે 31 ઓગસ્ટ સુધી ઈ-કેવાયસી કરાવવું અત્યંત જરૂરી છે. ઈન્ડિયન ઓઈલ, બીપીસીએલ અને એચપીસીએલ જેવી ઓઈલ માર્કેટિંગ કંપનીઓએ ઈ-કેવાયસી માટેની સમયમર્યાદા 31 ઓગસ્ટ નક્કી કરી છે. જો આધાર બાયોમેટ્રિક વેરિફિકેશન પૂર્ણ નહીં થાય તો 1 સપ્ટેમ્બરથી ગેસ સબસિડી અથવા સિલિન્ડરના સપ્લાય પર અસર પડી શકે છે.
આ તસવીર શેર કરો
4/8
દર મહિનાની પહેલી તારીખે ઓઈલ માર્કેટિંગ કંપનીઓ એલપીજી સિલિન્ડરના નવા દર જાહેર કરે છે. 1 સપ્ટેમ્બરના રોજ 19 કિલોના કોમર્શિયલ સિલિન્ડર તેમજ 14.2 કિલોના ઘરેલુ સિલિન્ડરના ભાવમાં ફેરફાર થઈ શકે છે. આ ઉપરાંત એવિએશન ટર્બાઇન ફ્યુઅલ (ATF), સીએનજી અને પીએનજીના દરો પણ પુનઃનિર્ધારિત થશે, જેની સીધી અસર હવાઈ ભાડાં અને વાહનવ્યવહારના ખર્ચ પર પડશે.
આ તસવીર શેર કરો
ADVERTISEMENT
5/8
જે કરદાતાઓને ઓડિટ કરાવવાની જરૂર નથી (બિન-ઓડિટ કેસ) અને જેઓ વ્યાપાર કે વ્યવસાયમાંથી આવક મેળવે છે, તેમના માટે આકારણી વર્ષ 2026-27નું ઈનકમ ટેક્સ રિટર્ન (ITR Form 3 અને 4) ફાઈલ કરવાની છેલ્લી તારીખ 31 ઓગસ્ટ 2026 છે. નિયત સમયમર્યાદા બાદ રિટર્ન ફાઈલ કરવા પર લેટ ફી અને દંડ ચૂકવવો પડી શકે છે.
આ તસવીર શેર કરો
6/8
1 સપ્ટેમ્બર 2026થી અમેરિકન એક્સપ્રેસ ભારતમાં પ્લેટિનમ ટ્રાવેલ ક્રેડિટ કાર્ડ પર મળતા માઈલસ્ટોન રિવોર્ડ્સમાં કાપ મૂકી રહ્યું છે. આ અંતર્ગત ₹1.9 લાખના ખર્ચ પર મળતા 7500 વધારાના મેમ્બરશિપ પોઈન્ટ્સ બંધ થશે. સાથોસાથ એક્સિસ બેંકે પણ પોતાના ક્રેડિટ કાર્ડના નિયમો અને શરતોમાં સુધારા કર્યા છે.
આ તસવીર શેર કરો
ADVERTISEMENT
7/8
બજારમાં ભાવવધારાને નિયંત્રિત કરવા માટે ખાદ્ય અને જાહેર વિતરણ મંત્રાલયે ખાંડના જથ્થાબંધ વેપારીઓ પર સ્ટોક લિમિટ લાગુ કરી છે. 1 સપ્ટેમ્બરથી 30 નવેમ્બર 2026 સુધી અમલી બનનારા આ નિયમ મુજબ, દર મહિને 10 મેટ્રિક ટનથી વધુ ખાંડનો વપરાશ કરતા વ્યવસાયો મહત્તમ 15 દિવસની જરૂરિયાત જેટલો જ સ્ટોક રાખી શકશે.
આ તસવીર શેર કરો
8/8
રિઝર્વ બેંક ઓફ ઈન્ડિયા (RBI) ની નવી માર્ગદર્શિકા મુજબ બેંકિંગ સિસ્ટમમાં વધુ પારદર્શિતા લાવવા માટે ફેરફારો કરાયા છે. 1 સપ્ટેમ્બરથી બેંકોએ ₹3 કરોડ કે તેથી વધુની બલ્ક એફડી (Bulk FD) પરના વ્યાજદરો દરરોજ સવારે 10.10 વાગ્યા સુધીમાં સત્તાવાર વેબસાઈટ પર સાર્વજનિક કરવા પડશે. આ નિયમ 1 ઓક્ટોબર 2026થી પૂર્ણપણે અમલી બનશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
