6 ફોટો ગેલેરી

વરસાદની આગાહી / ગુજરાતમાં ફરી વરસાદી માહોલ! આગામી 5 દિવસ હળવાથી મધ્યમ વરસાદની આગાહી

Last Updated: 08:08 AM, 29 August 2026

FOLLOW ON

શેર કરો

ગુજરાતમાં આગામી 5 દિવસ હળવાથી મધ્યમ વરસાદની શક્યતા છે. અમદાવાદમાં વાદળછાયું વાતાવરણ રહેશે, જ્યારે સૌરાષ્ટ્ર-કચ્છમાં 31% વરસાદની ઘટ નોંધાઈ છે.

1/6

1. હવામાન વિભાગે પાંચ દિવસ હળવાથી મધ્યમ વરસાદની આગાહી કરી

ગુજરાતમાં છેલ્લા કેટલાક સમયથી વરસાદે વિરામ લીધો છે ત્યારે હવે સપ્ટેમ્બર મહિનાની શરૂઆત સાથે રાજ્યમાં ફરી વરસાદી માહોલ સર્જાવાની આગાહી કરવામાં આવી છે. હવામાન વિભાગે આગામી પાંચ દિવસ દરમિયાન રાજ્યના કેટલાક વિસ્તારોમાં હળવાથી મધ્યમ વરસાદની શક્યતા વ્યક્ત કરી છે. જોકે, આગામી એક સપ્તાહ દરમિયાન ભારે વરસાદ લાવે તેવી કોઈ મજબૂત હવામાન સિસ્ટમ સક્રિય થવાની શક્યતા ન હોવાથી અતિભારે વરસાદની સંભાવના ઓછી છે.

આ તસવીર શેર કરો

2/6

2. છૂટાછવાયા ઝાપટાંથી લઈને હળવાથી મધ્યમ વરસાદ પડી શકે

હવામાન વિભાગ મુજબ રાજ્યના કેટલાક વિસ્તારોમાં છૂટાછવાયા ઝાપટાંથી લઈને હળવાથી મધ્યમ વરસાદ પડી શકે છે. ખાસ કરીને દરિયાકાંઠાના વિસ્તારોમાં પવનની ગતિ વધવાની શક્યતા હોવાથી માછીમારો અને દરિયાઈ પ્રવૃત્તિ સાથે સંકળાયેલા લોકોને સાવચેતી રાખવાની સલાહ આપવામાં આવી શકે છે.

આ તસવીર શેર કરો

3/6

3. અમદાવાદમાં વાદળછાયું વાતાવરણ

અમદાવાદ શહેરમાં આગામી દિવસોમાં મુખ્યત્વે વાદળછાયું વાતાવરણ રહેવાની શક્યતા છે. શહેરમાં વરસાદની શક્યતા વચ્ચે તાપમાનમાં પણ સામાન્ય ફેરફાર જોવા મળી શકે છે. જોકે, હાલની સ્થિતિને જોતા ભારે વરસાદની શક્યતા ન હોવાનું હવામાન વિભાગે જણાવ્યું છે.

આ તસવીર શેર કરો

4/6

4. રાજ્યમાં સરેરાશ કરતાં 7 ટકા વધુ વરસાદ

ચોમાસાની સિઝનમાં અત્યાર સુધી ગુજરાતમાં સરેરાશ કરતાં આશરે 7 ટકા વધુ વરસાદ નોંધાયો છે. જોકે, પ્રદેશવાર વરસાદની સ્થિતિમાં મોટો તફાવત જોવા મળી રહ્યો છે. ખાસ કરીને સૌરાષ્ટ્ર-કચ્છમાં સરેરાશ કરતાં 31 ટકા ઓછો વરસાદ નોંધાતા આ વિસ્તારોમાં વરસાદની ઘટ ચિંતાનો વિષય બની છે.રાજ્યના અન્ય વિસ્તારોની સરખામણીએ સૌરાષ્ટ્ર-કચ્છમાં વરસાદનું પ્રમાણ ઓછું રહ્યું છે. આગામી દિવસોમાં આ વિસ્તારમાં સારો વરસાદ થાય તો વરસાદની ઘટમાં ઘટાડો થવાની શક્યતા છે.

આ તસવીર શેર કરો

5/6

5. સપ્ટેમ્બરની શરૂઆતમાં સારા વરસાદની આશા

હવામાન વિભાગના અનુમાન મુજબ આગામી સાત દિવસ દરમિયાન ગુજરાતમાં વરસાદને નોંધપાત્ર રીતે મજબૂત બનાવે તેવી કોઈ મોટી સિસ્ટમ સક્રિય થવાની શક્યતા નથી. પરિણામે રાજ્યમાં ભારે વરસાદને બદલે હળવાથી મધ્યમ અને છૂટાછવાયા વરસાદનું પ્રમાણ વધુ રહેવાની શક્યતા છે.

આ તસવીર શેર કરો

6/6

6. હવામાન નિષ્ણાંત અંબાલાલ પટેલે શું આગાહી કરી

હવામાન નિષ્ણાત અંબાલાલ પટેલે સપ્ટેમ્બર મહિનાની શરૂઆતમાં ગુજરાતમાં સારા વરસાદની આગાહી કરી છે. જેના કારણે વરસાદના વિરામ બાદ ફરી મેઘરાજાની એન્ટ્રીની આશા ખેડૂતો અને સામાન્ય લોકોમાં જાગી છે. હાલ ગુજરાતમાં વરસાદની સ્થિતિ પ્રદેશવાર અલગ-અલગ જોવા મળી રહી છે. ખાસ કરીને સૌરાષ્ટ્ર-કચ્છમાં વરસાદની ઘટ પૂરી કરવા આગામી દિવસોમાં સારા વરસાદની જરૂરિયાત રહેશે.

આ તસવીર શેર કરો

સંકળાયેલા મુદ્દાઓ

Ahmedabad Weather Gujarat Rain Forecast Gujarat Weather Update