ખેડા / બાળકને ડૂબતો બચાવવા પિતા નદીમાં કૂદ્યા, પાછળ તેમનો મિત્ર અને...ગળતેશ્વરની મહીસાગર નદીમાં 4 લોકો તણાયા, દોસ્તનો જીવ ગયો

• ખેડાના ગળતેશ્વરમાં મહીસાગર નદીમાં 4 લોકો તણાયા
• એક બાળકને બહાર કઢાયો, અન્ય એકનો મૃતદેહ બહાર કઢાયો
• બાળક તણાતા પિતા બચાવવા માટે નદીમાં કૂદ્યા હતા

રાજ્યમાં વધુ એકવાર ડૂબવાથી ઘટના બની છે, ખેડાના ગળતેશ્વરમાં મહીસાગર નદીમાં 4 લોકો તણાયા છે. જેમાં એક બાળકને બહાર કઢાયો છે તેમજ અન્ય એકનો મૃતદેહ બહાર કઢવામાં આવ્યો છે. 

પિતા અને દીકરાની શોધખોળ હાથ ધરાઈ
સમગ્ર ઘટનાની વાત કરવામાં આવે તો એક બાળક તણાતા પિતા બચાવવા માટે નદીમાં કૂદ્યા હતા. જે પિતાની સાથે તેમના મિત્રે પણ નદીમાં છલાંગ લગાવી હતી. જેમાં ડૂબી રહેલા પિતાના મિત્રએ જીવ ગુમાવ્યો છે. જો કે, હાલમાં પિતા અને દીકરાની શોધખોળ ચાલી રહી છે. ઠાસરા અને નડિયાદ ફાયર વિભાગની ટીમ શોધખોળ હાથ છે.

પરિજનોમાં શોકનું મોજુ ફરી વળ્યું
સમગ્ર બનાવના પગલે પંથકમાં સન્નાટો વ્યાપી જવા પામ્યો છે, તેમજ પિતા અને પુત્રના પાણીમાં ડૂબવાની ઘટનાથી પરિવાર પર આફતના વાદળો ઘેરાયા છે. મૃતકના પરિજનોમાં શોકનું મોજુ ફરીવળ્યું છે. જો કે, સમગ્ર મામલે સેવાલીયા પોલીસ અને ગળતેશ્વર મામલતદાર ઘટના સ્થળે પહોંચ્યા છે