ગુજરાત / જેતપુરમાં સાડીના બે કારખાનામાંથી 31 બાળમજૂરો મળ્યા, ત્રણ શખ્સો વિરૂદ્ધ ગુનો નોંધાયો

જેતપુરમાં સાડીના કારખાનામાં બાળકો પાસે કામ કરાવવામાં આવતું હોવાની બાતમી એક NGOને મળી હતી... જે બાદ પોલીસની સાથે મળી સ્થળ પર રેડ પાડવામાં આવી હતી, જે દરમ્યાન સાડીના બે કારખાનામાં 31 બાળમજૂર મળી આવ્યા હતા.

તપાસ દરમ્યાન સામે આવ્યું હતું કે મધ્ય પ્રદેશ, બિહાર અને ઝારખંડ જેવા રાજ્યોમાંથી બાળકોને લાવીને અહીં કામે લગાવવામાં આવતા હતા. તમામ બાળકોને કારખાનામાંથી છોડાવીને ઉદ્યોગનગર પોલીસ સ્ટેશનમાં લાવવામાં આવ્યા હતા.

આ પણ વાંચોઃ અમદાવાદમાં અસામાજિક તત્વોએ તોડફોડ કર્યા બાદ પોલીસનું કોમ્બિંગ

આ મામલે કારખાનાના માલિકો સહિત કુલ ત્રણ લોકો સામે ફરીયાદ દાખલ કરાઇ છે. જેમાં બે કારખાના માલિકો અને 1 ઠેકેદાર જેણે આ બાળકોને અહીં મોકલ્યા હતા તેમનો સમાવેશ થાય છે. કારખાના માલિક સામે બાળમજૂરીની કલમ હેઠળ ગુનો નોંધવામાં આવ્યો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ