ખેડા / બાળકો ભણી રહ્યા હતા અને ધડામ કરતો સ્લેબનો પોપડો પડ્યો! 3 ગંભીર ઈજાગ્રસ્ત, શેખુપુર ગામની ચેતવતી ઘટના, શીખ લેશે સરકાર?

• શેખપુર ગામે પ્રાથમિક શાળાના સ્લેબના પોપડા પડ્યા
• સ્લેબના પોપડા પડતા 3 વિદ્યાર્થીઓ ઘાયલ થયા
• ગ્રામજનોએ તંત્ર પર બેદરકારીનો આક્ષેપ કર્યા

ખેડાના માતરના શેખપુર ગામે પ્રાથમિક શાળાના સ્લેબના પોપડા પડતા 3 વિદ્યાર્થીઓ ઘાયલ થયા છે. અભ્યાસ કરતા બાળકો પર પોપડુ પડતા તમામને લીંબાસીની હોસ્પિટલમાં ખેસડવામાં આવ્યા છે. તો આ ઘટનાને લઈ ગ્રામજનોએ તંત્ર પર બેદરકારીનો આક્ષેપ લગાવી પોતાનો રોષ ઠાલવ્યો છે

ત્રણ બાળકોને ગંભીર
બેદરકારીનો મોટો કિસ્સો ખેડાના શેખપુરમાંથી સામે આવ્યો છે. શેખપુર ગામે પ્રાથમિક શાળાનો વર્ગનો સ્લેબના પોપડા પડતા વિદ્યાર્થીઓ ઘાયલ થયા છે. આ ઘટનામાં શાળામા અભ્યાસ કરતા ત્રણ બાળકો ગંભીર ઈજાગ્રસ્ત પહોંચી છે. જેને લઈ તેમને સારવાર અર્થે હોસ્પિટલ ખસેડાયા છે.

તંત્રની બેદરકારી !
તંત્રની બેદરકારીના કારણે બાળકો ઈજાગ્રસ્ત થયા છે. જેને લઈ વાલીઓ ભારે આક્રોશ જોવા મળી રહ્યો છે. જો કે, આ બાબતે સત્વરે યોગ્ય પગલા ભરવા પણ સ્થાનિકોએ માંગ કરી રહ્યાં છે. અત્રે ઉલ્લેખનીય છે કે, અવાર નવાર જર્જરિત શાળાના પોપડા પડવાની ઘટના સામે આવતી હોય છે પરંતું તે પ્રશ્નનો કાયમી નીકાલ ન આવતો હોય તેવું વર્તમાનમાં જણાઈ રહ્યું છે.