ઑસ્ટ્રેલિયામાં થનારો 2020નો T-20 વર્લ્ડ કપ મુલતવી રાખવામાં આવ્યો છે અને સંભાવના એવી હતી કે ભારતમાં થનારો T20 વર્લ્ડ કપ ઓસ્ટ્રેલિયામાં આયોજિત થશે પરંતુ ICCએ અલગ નિર્ણય લીધો છે.
ઑસ્ટ્રેલિયામાં યોજાનારો 2020નો T-20 વર્લ્ડ કપ મુલતવી થયા બાદ સવાલ એ હતો કે આવતા વર્ષે T20 World Cup 2021 કયા દેશમાં યોજાશે? હવે આ સવાલનો જવાબ મળી ગયો છે. શુક્રવારે મળેલી આઈસીસીની બેઠકમાં ભારતમાં 2021નો T-20 વર્લ્ડ કપ યોજવાનું નક્કી કરવામાં આવ્યું છે.
2022નો ટી-20 વર્લ્ડ કપ ઓસ્ટ્રેલિયામાં યોજાશે. તે જ સમયે, 2023 વનડે વર્લ્ડ કપ ભારતમાં નક્કી કરેલા સમય મુજબ યોજવામાં આવશે. આ બેઠકમાં BCCIના પ્રમુખ સૌરવ ગાંગુલી અને ક્રિકેટ ઑસ્ટ્રેલિયાના વડા પણ ICCની આ બેઠકમાં સામેલ થયા હતા.
BCCI 2021માં T-20 વર્લ્ડ કપનું આયોજન કરશે અને તે માટે તેણે પોતાનું મન તૈયાર કરી લીધું હતું. ખરેખર, તે જાણતું હતું કે 2022 માં T-20 વર્લ્ડનું હોસ્ટિંગના માત્ર એક વર્ષમાં 50 ઓવર વર્લ્ડ કપનું હોસ્ટિંગ કરવું સહેલું નહોતું. આવી સ્થિતિમાં ભારતને 2021 T20 વર્લ્ડ કપનું હોસ્ટિંગ મળી ગયું છે અને હવે 2023 માં વનડે વર્લ્ડનું આયોજન કરવામાં પૂરતો સમય મળી ગયો છે.
વર્લ્ડ T-20 વર્લ્ડ કપ આ વર્ષે 18 ઓક્ટોબરથી ઑસ્ટ્રેલિયામાં યોજાવાનો હતો, પરંતુ કોવિડ -19 મહામારીને કારણે તે મુલતવી રાખવામાં આવ્યો હતો. હવે આ T-20 વર્લ્ડ કપ 2022માં ઓસ્ટ્રેલિયામાં હશે.
આ સિવાય ICCએ મહિલાઓ વનડે વર્લ્ડ કપ 2021 રદ કર્યો છે. હવે આ ટુર્નામેન્ટ 2022 માં 6 ફેબ્રુઆરીથી 7 માર્ચ સુધી ન્યુઝીલેન્ડમાં રમાશે.