દુ:ખદ / 13 વર્ષનો કિશોર, 18 વર્ષીય વિદ્યાર્થિનીનું હાર્ટ એટેકથી મોત: પરિવારમાં અરેરાટી, ગરબાની પ્રેક્ટિસ દરમ્યાન વધતા કેસોને લઇ તંત્ર પણ એલર્ટ

• ગુજરાતમાં દિવસેને દિવસે વધી રહી હાર્ટએટેકથી મોત થવાની ઘટના 
• જામનગરના 13 વર્ષના કિશોરનું મુંબઈમાં હાર્ટ એટેકથી મોત 
• જેતપુરમાં 18 વર્ષીય વિદ્યાર્થીનીનું હાર્ટ એટેકનાં કારણે મોત

Heart Attack News : ગુજરાતમાં હાર્ટએટેકથી મોત થવાની ઘટના દિવસેને દિવસે વધી રહી છે. આ તરફ જામનગરના 13 વર્ષના કિશોરનું મુંબઈમાં હાર્ટ એટેકથી મોત થયું છે. આ સાથે જેતપુરમાં 18 વર્ષીય વિદ્યાર્થીનીનું હાર્ટ એટેકનાં કારણે મોત થયું છે. સરદાર પટેલ કન્યા કેળવળી મંડળમાં અભ્યાસ કરતી વિદ્યાર્થીનીનું હોસ્ટેલમાં મૃત્યુ થયા બાદ પરિવારજનો ઘેરા શોકમાં ગરકાવ થઈ ગયા છે. 

જામનગરના કિશોરનું મુંબઈમાં મોત 
વિગતો મુજબ જામનગરના રહેવાસી અને મુંબઈ અભ્યાસ કરતો ઓમ સચિનભાઈ ગંઢેચા નામનો 13 વર્ષીય કિશોર હોસ્ટેલમાં યોગ કરી રહ્યો હતો. આ દરમિયાન અચાનક હાર્ટ એટેક આવતા તેનું મોત થયું છે. આ તરફ ઘટનાની જાણ થતાં મૃતકના પરિવારજનો ઘેરા શોકમાં ગરકાવ થઈ ગયા છે. 

જેતપુરમાં 18 વર્ષીય વિદ્યાર્થીનીનું હાર્ટ એટેકનાં કારણે મોત
જેતપુરમાં સરદાર પટેલ કન્યા કેળવળી મંડળમાં અભ્યાસ કરતી વિદ્યાર્થીનીનું હોસ્ટેલમાં મૃત્યુ થયું છે. વિગતો મુજબ BCAમાં અભ્યાસ કરતી વિદ્યાર્થીની હાર્ટ એટેક આવતા મોત થયું છે. વિગતો મુજબ વિદ્યાર્થીની જામકંડોરણા તાલુકાના જામદાદર ગામની રહેવાસી હોવાનું સામે આવ્યું છે. વિદ્યાર્થીની જેતપુરમાં સરદાર પટેલ કન્યા કેળવણી મંડળમાં અભ્યાસ કરતી હતી. પ્રાથમિક વિગતો મુજબ મૃતકનું નામ કશીશ પીપળવા અને તેને બે વર્ષથી વાલ્વની બીમારી હોવાનું પણ સામે આવ્યું છે.