સારું કહેવાય / વાહ જોરદાર! ઓનલાઈન ઓર્ડર કરશો તો ડ્રોનથી આવશે જમવાનું, આ 5 શહેરમાં તૈયારીઓ પુરજોશમાં

• જો તમે ખાવાનુ મંગાવો અને ડ્રોનથી આવે તો ચિંતા ના કરતા
• કંપની ડ્રોનને લોજિસ્ટિક્સ સેક્ટરમાં ઉતારવા માટે સંપૂર્ણ રીતે તૈયાર
• કંપની અત્યારે પહેલા તબક્કામાં 200 ડ્રોન માર્કેટમાં ઉતારશે

આ શહેરોમાં 200 ડ્રોન ઉતારી રહી છે આ કંપની

લાસ્ટ માઇલ ડિલીવરી કંપની Zypp Electric એ ગયા અઠવાડિયે જણાવ્યું કે તે ડ્રોન લોજિસ્ટિક્સ સેક્ટરમાં ઉતારવા માટે સંપૂર્ણ રીતે તૈયાર છે. અત્યાર સુધી ઇલેક્ટ્રીકલ વ્હીકલ દ્વારા ડિલીવરી કરી રહેલી કંપનીએ ડ્રોનથી સામાન પહોંચાડવા માટે TSAW Dronesની સાથે હાથ મિલાવ્યો છે. કંપની અત્યારે પહેલા તબક્કામાં 200 ડ્રોન માર્કેટમાં ઉતારવાની છે. આ ડ્રોન અત્યારે દિલ્હી-એનસીઆર, બેંગલુરૂ, હૈદ્રાબાદ, મુંબઈ અને પુણેમાં ડિલીવરી કરશે. 

ડિલીવરીમાં ઉપયોગી થશે આ ડ્રોન

મહત્વનું છે કે, TSAW Drones ડિલીવરી કરનારા ડ્રોન ડેવલપ કરે છે.  કંપની પહેલા જ કેટલાક ડ્રોન તૈયાર કરી ચૂકી છે. જેને ખાસ કરીને ડિલીવરી માટે ડેવલપ કરવામાં આવ્યાં છે. કંપનીની વેબસાઈટ પર ડિલીવરી ડ્રોનના 2 મૉડલની માહિતી આપવામાં આવી છે. પહેલુ મૉડલ Maruthi 2.0 છે, જે થોડા અંતરની ડિલીવરી માટે છે. તો બીજુ ડ્રોન Adarnaની ડિલીવરી રેન્જ 110 કિલોમીટર સુધી છે. આ બંને મૉડલ 5 કિલો સુધી ભાર ઉઠાવી શકે છે.

ડિલીવરી ડ્રોનમાં લગાવેલુ હશે સ્માર્ટ લૉકર

Zypp Electric એ જણાવ્યું કે અત્યારે ડિલીવરીમાં જેટલા ડ્રોન ઉતારવામાં આવ્યાં છે. તે દરેકમાં સ્માર્ટ લોકર લગાવેલા હશે. ડિલીવરી મંગાવનારા ગ્રાહકની પાસે એક ઓટીપી આવશે. જેને નાખીને સ્માર્ટ લોકરને ખોલી શકાશે. જેનાથી ડિલીવરી થતા સામાનની સુરક્ષા નિશ્ચિત થશે. ડ્રોન દ્વારા ડિલીવરી શરૂ થતાં લોકોના સમયની બચત પણ થશે.