- પત્નીને ભણાવવા પતિએ લીધી લોન
- નર્સિંગ કોલેજમાં કરાવ્યું એડમિશન
- અભ્યાસ પતાવી બોયફ્રેન્ડ સાથે ભાગી ગઈ પત્ની
ઝારખંડના ગોડ્ડા જિલ્લામાં 'પતિ-પત્ની અને વો'નો અજીબોગરીબ કેસ સામે આવ્યો છે. પોતાની જીવથી વ્હાલી પત્ની પ્રિયા કુમારીને શ્રમિક પતિએ 2.5 લાખ રૂપિયાનું દેવુ લઈને નર્સનો અભ્યાસ કરાવ્યો જેથી પત્ની અને તેના પરિવારનું ભવિષ્ય સુધરી શકે. નર્સિંગના અભ્યાસ બાદ તેની પત્નીએ પોતાના શ્રમિક પતિ સાથે બેવફાઈ કરી.
નર્સિંગના અંતિમ વર્ષમાં પહોંચીને પત્ની પ્રિયા કુમારીએ પતિને દગો આપ્યો અને બોયફ્રેન્ડ સાથે ભાગી ગઈ. બોયફ્રેન્ડ સાથે દિલ્હીના એક મંદિરમાં લગ્ન કરી લીધા. લગ્નના ફોટો તેણે અલગ અલગ લોકોના માધ્યમથી પોતાના પતિ ટિંકૂ યાદવ સુધી પહોંચાડ્યા.
પત્ની પ્રિયા કુમારીના તેના બોયફ્રેન્ડ દિલખુશ રાઉત સાથે લગ્નના ફોટો જોઈને પીડિત પતિ ટિંકૂ કુમાર યાદવના પગ તળેથી જમીન ખસી ગઈ. પતિ ટિંકૂ કુમાર યાદવને વિશ્વાસ ન થયો કે જે પત્નીને શિક્ષિત બનાવવા માટે તેણે લાખો રૂપિયાનું દેવું કર્યું તે પત્નીએ દગો આપીને બોયફ્રેન્ડ સાથે ભાગીને મંદિરમાં લગ્ન કરી લીધા.
પીડિત પતિએ પોલીસમાં દાખલ કર્યો કેસ
આ સંમગ્ર મામલા પર પીડિત પતિ ટિંકૂ કુમાર યાદવે જણાવ્યું કે 19 સપ્ટેમ્બરે તેમની પત્ની ઘરેથી ગુમ થઈ ગતી. કોઈ અનહોની થવાની આશંકાને જોતા ગોડ્ડા જિલ્લાના નગર પોલીસ સ્ટેશનમાં કેસ દાખલ કરાવ્યો. તપાસ કરતા જાણકારી મળી કે તેની પત્ની પ્રિયા કુમારી કોઈ દિલખુશ રાઉત નામના યુવક સાથે ભાગી ગઈ છે.
પત્નીના અભ્યાસમાં ખર્ચ કરેલા પૈસાની વાપસીની માંગ
ટિંકૂને ખબર પડી કે બન્ને ભાગીને દિલ્હી પહોંચી ગયા છે. ત્યાંના કોઈ મંદિરમાં લગ્ન કરી લીધા છે. તેના ફોટો સોશિયલ મીડિયાની સાથે સાથે અન્ય સ્ત્રોતથી ટિંકૂ સુધી પહોંચાડ્યા. ત્યાર બાદ પીડિત પતિ ટિંકૂ યાદવે પોલીસની પાસે પહોંચીને ન્યાયની અપીલ કરી. સાથે જ પીડિત પતિએ ફ્રોડ પત્ની પાસેથી અભ્યાસમાં ખર્ચ થયેલા લાખો રૂપિયા પરત આપવાની માંગ કરી છે.
