- KKRના રિંકુ સિંહ પાસે ચાહકોને ઘણી આશા હતી
- મેચના અંતમાં ચાહકોની આશાઓ પર પાણી ફરી વળ્યું
- યુવરાજ સિંહે ટ્વિટ કરીને રિંકુની ક્લાસ લગાવી
આઈપીએલની 16 મી સિઝન ચાલી રહી છે એવામાં ગઇકાલે એટલે કે ગુરુવારે કોલકાતા નાઈટ રાઈડર્સ અને દિલ્હી કેપિટલ્સ વચ્ચે લો સ્કોરિંગ રોમાંચક મેચ રમાઈ હતી અને આ મેચમાં દિલ્હી કેપિટલ્સે છેલ્લા બોલ પર મેચ જીતી લીધી હતી. મેચ વિશે વાત કરીએ તો પ્રથમ બેટિંગ કરતા KKRએ નિર્ધારિત 20 ઓવરમાં માત્ર 127 રન બનાવ્યા હતા અને આ દરમિયાન KKRનો કોઈપણ બેટ્સમેન કંઈ ખાસ કમાલ બતાવી શક્યા નહતા. આ સાથે જ KKRની ઈનિંગ્સ ફિક્કી પડી રહી હતી ત્યારે ટીમના ચાહકોને ફરી એકવાર રિંકુ સિંહ પાસેથી ઘણી આશાઓ જાગી હતી પણ ચાહકોની આશાઓ પર પાણી ફરી વળ્યું હતું.
ગઇકાલની એ મેચમાં રિંકુ સિંહ રન બનાવી શક્યો નહોતો અને રિંકુ ખરાબ શોટ રમતા અક્ષર પટેલના હાથે કેચ આઉટ થયો હતો. આ સાથે જ એ મેચમાં રિંકુની ઇનિંગ જોતાં ભૂતપૂર્વ ભારતીય ખેલાડી યુવરાજ સિંહે તેના પર ભડક્યો હતો. KKR માટે ખરાબ બેટિંગ કરતી વખતે રિંકુ સિંહ આઉટ થયા પછી યુવરાજ પોતાને કાબૂમાં રાખી શક્યો ન હતો અને તેને ટ્વિટ કરીને રિંકુની ક્લાસ લગાવી હતી.
રિંકુ સિંહ સિવાય યુવરાજે મનદીપની પણ ક્લાસ લગાવી હતી. આ વિશે વાત કરતાં તેને ટ્વિટર પર લખ્યું હતું લે "આ સ્થિતિમાં મનદીપ અને રિંકુ સિંહ જે રીતે રમ્યા તેનાથી હું ખુશ નથી ભલે તમારો આત્મવિશ્વાસ ગમે તેટલો ઊંચો હોય પણ જ્યારે વિકેટો પડી રહી હોય ત્યારે ભાગીદારી દરેક જોખમને ઓછું કરી દે છે. તમારે ODIની જેમ 15 ઓવર સુધી બેટિંગ કરવાની જરૂર હતી. કારણ કે આખરે રસેલ બેટિંગ કરવા ઉતરવાનો હતો. ' યુવરાજના આ ટ્વીટથી સ્પષ્ટ છે કે તે રિંકુ સિંહની બેટિંગથી બિલકુલ ખુશ નથી.
ગઇકાલની એ મેચમાં દિલ્હી કેપિટલ્સ અને KKR વચ્ચે રમાયેલી મેચમાં ટોસ જીતીને દિલ્હીના કેપ્ટન ડેવિડ વોર્નરે ટોસ જીતીને બોલિંગ કરવાનો નિર્ણય લીધો હતો અને પહેલા બેટિંગ કરતા કોલકાતાની ટીમે નિર્ધારિત 20 ઓવરમાં તમામ 10 વિકેટ ગુમાવીને 127 રન બનાવ્યા હતા. નોંધનીય છે કે બીજી ઇનિંગમાં આ લક્ષ્યનો પીછો કરતી વખતે દિલ્હી કેપિટલ્સની ટીમ મુશ્કેલીમાં જોવા મળી હતી પણ દિલ્હીએ છેલ્લી ઓવરમાં આ લક્ષ્યાંક હાંસલ કરી લીધો હતો. દિલ્હીની ટીમે 19.2 ઓવરમાં 6 વિકેટ ગુમાવીને 128 રન બનાવીને મેચ જીતી લીધી હતી.
