દેશમાં લોકસભાની ચૂંટણીની તારીખો જાહેર થઈ ગઈ છે. આ ચૂંટણીને લઈને દેશભરમાં તૈયારીઓ ચાલી રહી છે. ત્યારે આજે અમે તમને ચૂંટણીમાં મતદાન કરવાને લઈને કેટલીક માહિતી આપવા જઈ રહ્યા છીએ. જી હાં ઘણા લોકોને પ્રશ્ન થતો હશે કે ચૂંટણી કાર્ડ ન હોય તો શું મતદાન કરી શકાય ? ચૂંટણી કાર્ડ સિવાય ક્યા ક્યા ડોક્યુમેન્ટના આધારે મતદાન કરી શકાય ? આવા અનેક સવાલ ઉભા થતા હશે. ત્યારે આજે અમે તમને આ પ્રશ્નોના જવાબ જણાવવા જઈ રહ્યા છીએ. તમે ચુંટણીકાર્ડ માટે એપ્લાય કર્યું છે પણ હજી સુધી તમારું ચુંટણીકાર્ડ તમારી પાસે નથી તો પણ તમે મત આપી શકશો. જો તમે નોંધાયેલા મતદાર છો તો તમે મત કરી શકશો બસ તેના માટે તમારું નામ મતદારની યાદીમાં હોવું જરૂરી છે. કૌસંબી લોકસભાની ચુંટણી 20 તારીખે અને પ્રતાપગઢ લોકસભાની ચુંટણી 25 મેનાં રોજ યોજાશે અને પરિણામ 4 જુનનાં રોજ જાહેર થશે. જો તમારું નામ મતદારની યાદીમાં છે તો તમે બૂથ પર જઈને મતદાન કરી શકો છો.
આ ડોકયુમેન્ટથી મત આપી શકશો
આ વખતે ચૂંટણી પંચે મતદાન માટે આઈડીના રૂપમાં વિકલ્પ જારી કર્યા છે. જેમાં મતદારો આધાર કાર્ડ, મનરેગા જોબ કાર્ડ, બેંક અને પોસ્ટ ઓફિસમાંથી ફોટોગ્રાફ સાથેની પાસબુક, ડ્રાઇવિંગ લાયસન્સ, સ્માર્ટ કાર્ડ, પાસપોર્ટ, ફોટોગ્રાફ સાથે આરોગ્ય વીમા પ્રમાણપત્ર, પેન્શન પ્રમાણપત્ર, સેવા ઓળખ કાર્ડ, વિકલાંગ પ્રમાણપત્ર સહિતના 12 વિકલ્પો દ્વારા મતદાન કરી શકશે. BLO ને મળીને ચુંટણી કાર્ડ બનાવી શકાશે. તમારે આ માટે અરજી કરવાની રહેશે. કાર્ડ તૈયાર થશે અને BLO મારફત ઘરે આવશે.
વધુ વાંચો : કોંગ્રેસે જાહેર કર્યું 46 ઉમેદવારનું ચોથું લિસ્ટ, વારાણસીમાં PM મોદીની સામે 'અજય' ઉમેદવાર ઉતાર્યો
નાયબ જિલ્લા ચૂંટણી અધિકારી ત્રિભુવન વિશ્વકર્માએ જણાવ્યું કે, ચૂંટણી પંચે મતદાન માટે આઈડી સ્વરૂપે 12 વિકલ્પો જારી કર્યા છે. જેમાં આધાર કાર્ડ, મનરેગા જોબ કાર્ડ, બેંક અને પોસ્ટ ઓફિસની ફોટો સાથેની પાસબુક વગેરેનો સમાવેશ થાય છે. મતદારોના નામ મતદાર યાદીમાં સામેલ થયા બાદ જ મતદારો મતદાન કરી શકશે. જે લોકો 18 વર્ષની વય વટાવી ચૂક્યા છે અને જેમનું નામ મતદાર યાદીમાં સામેલ નથી, તેઓ પોતાનું નામ સામેલ કરાવી શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
