- રાજપીપળાના કરજણ ડેમમાંથી પાણી છોડાતા કાંઠા વિસ્તારોમાં પુરની સ્થિતિ
- કરજણ નદી કિનારે સેલ્ફી લેતા યુવક-યુવતી પાણીમાં તણાયા-મંદિરનો ઓટલો ધરાશાયી
- વલસાડના ધરમપૂરના બોપી ગામે 4 લોકો તણાયા
- એકનું રેસ્ક્યુ કરાયું, અન્ય ત્રણ વ્યક્તિઓની શોધખોળ
નર્મદા જિલ્લામાં ભારે વરસાદને લઇ રાજપીપળાના કરજણ ડેમમાંથી પાણી છોડવામાં આવ્યું છે. ડેમના 9 દરવાજા ખોલીને 2 લાખ ક્યુસેક પાણી છોડવામાં આવ્યું છે. જેને કારણે કાંઠા વિસ્તારોમાં પૂર આવ્યું છે. આ દરમ્યાન સેલ્ફી લેવાનો પ્રયાસ કરનારા યુવક-યુવતી પૂરમાં તણાયા છે. જેથી સ્થાનિક તંત્રએ બન્નેની શોધખોળ શરૂ કરી છે. આ સાથે જ પૂરના કારણે કરજણ નદી પાસે આવેલ તડકેશ્વર મહાદેવ મંદિરમાં પાણી ઘૂસ્યા છે. જેને કારણે ઓટલો અને નાનું મંદિર નદીમાં ધરાશાયી થયું છે. આ સાથે વલસાડના ધરમપૂરના બોપી ગામે 4 લોકો તણાયા બાદ એકનું રેસ્ક્યૂ કરવામાં આવ્યું છે.
પૂરની સેલ્ફી લેતા યુવક-યુવતી પાણીમાં તણાયા
નર્મદા જિલ્લામાં ભારે વરસાદ વચ્ચે અનેક નદીઓમાં પૂર આવ્યા છે. આ તરફ પૂર નજીક પહોંચી સેલ્ફી લેતા યુવક-યુવતી પાણીમાં તણાયા હોવાની ઘટના સામે આવી છે. જોકે તંત્રને જાણ થતાં જ તાત્કાલિક બંનેની શોધખોળ હાથ ધરી હતી.
કરજણ નદી નજીકના તડકેશ્વર મહાદેવ મંદિરમાં પાણી ઘૂસ્યા
ભારે વરસાદને કારણે નર્મદા જિલ્લામાં જ્યાં જુઓ ત્યાં પાણી જ દેખાઈ રહ્યું છે. આ તરફ કરજણ ડેમના 9 દરવાજા ખોલી 2 લાખ ક્યુસેક પાણી છોડાયુ હતું. જે બાદમાં કરજણ નદી નજીક આવેલ તડકેશ્વર મહાદેવ મંદિરમાં પાણી ઘૂસ્યા હતા. આ સાથે મંદિરનો ઓટલો અને નાનું મંદિર ધરાશાઈ થયું હતું.
રાજપીપળાના કરજણ ડેમમાંથી પાણી છોડાયુ
નર્મદા જિલ્લામાં ભારે વરસાદને કારણે ઠેર-ઠેર વરસાદી પાણી ભરાયા છે. આ તરફ હવે રાજપીપળાના કરજણ ડેમમાંથી પણ પાણી છોડવામાં આવ્યું છે. કરજણ ડેમના 9 દરવાજા ખોલી 2 લાખ ક્યુસેક પાણી છોડાયુ હતું. જોકે પાણી છોડાતા કાંઠા વિસ્તારોમાં પૂરની સ્થિતિ બની હતી.
વલસાડના ધરમપૂરના બોપી ગામે 4 લોકો તણાયા
વલસાડ જિલ્લામાં પણ ભારે વરસાદને કારણે તારાજી સર્જાઇ છે. આ તરફ વલસાડના ધરમપુરના બોપી ગામે 4 લોકો તણાયા હોવાની ઘટના સામે આવી છે. જેને લઈ સ્થાનિકો સહિતના એ બચાવ કામગીરી હાથ ધરી હતી. પ્રાથમિક વિગતો મુઆજબ ટ્રેક્ટર રીપેર કરવા ગયેલા 4 લોકો તણાઇ ગયા હતા. જેમાંથી એક વ્યક્તિનું રેસ્ક્યૂ કરવામાં આવ્યું છે. આ તરફ હબે અન્ય ત્રણ લોકોની શોધખોળ હાથ ધરાઇ છે.
રાજ્યભરમાં મેઘરાજાની ધમાકેદાર બેટિંગ
સમગ્ર ગુજરાતમાં મેઘરાજાએ ભારે કહેર વર્તાવ્યો છે. ચારે બાજુ જળબંબાકારની સ્થિતિ જોવા મળી રહી છે. ત્યારે તમને જણાવી દઇએ કે, રાજ્યમાં છેલ્લા 24 કલાકમાં 245 તાલુકાઓમાં વરસાદે રમઝટ બોલાવી છે. જેમાં સૌથી વધુ 21.5 ઈંચ વરસાદ ડેડિયાપાડામાં ખાબક્યો છે. જ્યારે તિલકવાડામાં 20.5 ઇંચ, ઉમરપાડામાં 17.5 ઇંચ વરસાદ, સાગબારામાં 17 ઇંચ, કપરાડામાં 16 ઇંચ વરસાદ, જાંબુઘોડામાં 15.5 ઇંચ, ગરુડેશ્વરમાં 15 ઇંચ વરસાદ, નાંદોદમાં 14 ઇંચ, ડાંગમાં 13 ઇંચ વરસાદ નોંધાયો છે. તો સુબિરમાં 12 ઇંચ, ધરમપુરમાં 10 ઇંચ, ગોધરામાં 10 ઇંચ, ઉચ્છલમાં 9.5 ઇંચ વરસાદ, સોનગઢમાં 9 ઇંચ, માંગરોળમાં 8.25 ઇંચ, સંખેડામાં 7.5 ઇંચ, ઉમરગામમાં 7.5 ઇંચ, વઘઇમાં 7 ઇંચ અને નસવાડીમાં 7 ઇંચ વરસાદ ખાબક્યો છે.
