Desi Home Remedies For Gastric Problem: ચૈત્રી નવરાત્રી દરમિયાન મા શક્તિની ઉપાસના કરતા ભક્તો નવ દિવસ સુધી ઉપવાસ રાખે છે. આ દિવસોમાં આહારમાં ફેરફારને કારણે ઘણી વખત શરીરનું મેટાબોલિઝમ પ્રભાવિત થાય છે અને પાચનક્રિયા ધીમી પડી જાય છે. જેના કારણે એસિડિટી અને ગેસ જેવી સમસ્યાઓ ઉદભવી શકે છે. જો તમે પણ ઉપવાસ દરમિયાન પેટમાં ગેસ અને એસિડિટીની સમસ્યાથી પરેશાન છો, તો આ ઘરગથ્થુ ઉપચાર તમને રાહત આપી શકે છે. ખાવા-પીવાની બદલાતી આદત દરરોજની જીવનશૈલીમાં બેદરકારીના કારણે પાચનક્રિયા ધીમી પડી જાય છે અને ખોરાક યોગ્ય સમયે યોગ્ય રીતે પચતો નથી.
નારિયેળ પાણી
જો તમે ઉપવાસ દરમિયાન ગેસ અને એસિડિટીથી બચવા માંગતા હોવ તો સવારે ઉઠતાની સાથે જ નારિયેળ પાણીનું સેવન કરો. નાળિયેર પાણી પેટના એસિડિક પીએચને સંતુલિત કરવાની સાથે યોગ્ય પાચન જાળવવામાં મદદ કરે છે. જેના કારણે ગેસ અને એસિડિટીની સાથે કબજિયાતની સમસ્યા પણ થતી નથી.
લીંબુ અને મધ
ચૈત્રી નવરાત્રીના વ્રત દરમિયાન ગેસની સમસ્યાને દૂર કરવા માટે તમે લીંબુ અને મધનો ઉપયોગ કરી શકો છો. આ ઉપાય કરવા માટે ગરમ પાણીમાં લીંબુ નીચોવી, તેમાં એક ચમચી મધ નાખીને પીવો. આ ઉપાય અપનાવવાથી તમને થોડા જ સમયમાં ગેસની સમસ્યામાંથી રાહત મળશે.
દહીં
ઉપવાસ દરમિયાન પેટમાં બનેલી એસિડિટી કે ગેસથી બચવા માટે દહીંનું સેવન ખૂબ જ ફાયદાકારક માનવામાં આવે છે. દહીંમાં રહેલા પોષક તત્વો પેટમાં ઉત્પન્ન થતા ગેસ અને પાચન તંત્રને લગતી અનેક સમસ્યાઓને દૂર કરવામાં ફાયદાકારક સાબિત થાય છે.
ફુદીનો
પેપરમિન્ટ પેટના સ્નાયુઓને આરામ કરવામાં મદદ કરી શકે છે. આ ઉપાય કરવા માટે તમે ગરમ પાણીમાં તાજા અથવા સૂકા ફુદીનાના પાન નાખીને ફુદીનાની ચા બનાવી શકો છો અને તેને પી શકો છો. આમ કરવાથી ગેસની સમસ્યામાં રાહત મળે છે અને એસિડિટી ઓછી થાય છે.
લીંબુ પાણી
જો તમારી પાચનક્રિયા બરાબર કામ નથી કરતી અને સવારે શોચ ક્રિયામામાં મુશ્કેલી પડી રહી છે તો તમે દરરોજ ખાલી પેટે વિટામિન સી અને સાઇટ્રિક એસિડથી યુક્ચ લીંબુ પાણી પી શકો છો. ગેસ, એસિડિટી જેવી અનેક સમસ્યાઓમાં લીંબુ પાણી ખૂબ જ ફાયદાકારક છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
