ચેતજો / ટોયલેટમાં મોબાઈલનો ઉપયોગ કરતા હોય તો ધ્યાન રાખજો, તમે બની શકો ખતરનાક ઈન્ફેક્શનનો શિકાર

ડિજિટલ સમયમાં મોબાઇલ દરેકના જીવનનો એક મહત્વનો હિસ્સો બની ગયો છે. અત્યારે કોઇ પણ વ્યક્તિ જોડે મોબાઇલ તો હશે જ. પરંતુ આ મોબાઇલ તમારા માટે ઉપયોગી છે તેની સાથે નુકશાન કારક પણ છે જેની માહિતી તમને હોવી જોઇએ. ટોયલેટમાં તમે મોબાઇલ લઇને જતા હોય અને ઉપયોગ કરતા હોય તો તમારા માટે આ નુકશાન કારક બની શકે છે.

મોબાઈલ ફોન આપણા જીવનનો મહત્વનો ભાગ બની ગયો છે. કેટલાક લોકો એવા હોય છે જે એક મિનિટ માટે પણ પોતાના મોબાઈલથી દૂર રહેવું પસંદ નથી કરતા. જો તેમની પાસે મોબાઈલ ન હોય તો તેઓ બેચેની થવા લાગે છે. કેટલાક લોકોને એવી પણ આદત હોય છે કે, તેઓ શૌચાલય માં બેસીને ફોનનો ઉપયોગ કરે છે પરંતુ આ આદત તેમને બિમાર કરી શકે છે. ઘણાં લોકો બાથરૂમમાં હોય કે શૌચાલયમાં હંમેશા તેઓ મોબાઈલ પોતાની પાસે રાખે છે. અત્યાર સુધી લોકો સમાચારપત્ર લઈને ટોઈલેટમાં જતા હતા, પરંતુ હવે તેઓ ફોનને બાથરૂમમાં પણ લઈ જાય છે. જો તમે પણ આ કરો છો તો સાવધાન! આ આદત તમને બીમાર કરી શકે છે. તમારી આ આદતને આજે જ બદલી નાંખો નહી તો તમે ખતરનાક ઇન્ફેક્શનનો શિકાર બની શકો છો.

પાઈલ્સની સમસ્યા?

શૌચાલયમાં મોબાઈલનો ઉપયોગ કરવાથી તમને પાઈલ્સ ની સમસ્યા થઈ શકે છે. વૃદ્ધોની સાથે-સાથે યુવાનોમાં પણ પાઇલ્સની સમસ્યા સામાન્ય બની ગઈ છે. જ્યારે તમે શૌચાલયમાં મોબાઈલ લઈ જાઓ છો, ત્યારે તમે કમોડ પર લાંબો સમય બેસો છો અને તમને સમયની પણ ખબર નથી હોતી કારણ કે તમે મોબાઈલ માં એટલા વ્યસ્ત અને મશગુલ રહો છો. ઘણા લોકો ટોયલેટમાં કમોડ પર બેસીને મોબાઈલમાં સોશિયલ મીડિયાનો ઉપયોગ કરે છે, વીડિયો જોવે છે અને ચેટિંગ કરે છે. ટોઈલેટમાં કમોડ પર લાંબો સમય બેસી રહેવાથી ગુદામાર્ગ અને ગુદાના નીચેના ભાગના સ્નાયુઓ પર દબાણ વધે છે જેનાથી પાઈલ્સની સમસ્યા થાય છે.

બેક્ટેરિયા ફોન પર ચોટી જાય છે

શૌચાલયમાં મોબાઈલ રાખવાથી તમે બેક્ટેરિયાનો શિકાર પણ બની શકો છો. ટોયલેટમાં રહેલા બેક્ટેરિયા તમારા મોબાઈલમાં ચોંટી જાય છે. જ્યારે તમે ટોઇલેટમાંથી બહાર આવો છો ત્યારે તમે તમારા હાથ ધોઈ લો છો પરંતુ મોબાઈલમાં ચોંટેલા બેક્ટેરિયા તમારા હાથ પર પાછા આવી જાય છે. આ બેક્ટેરિયાના કારણે તમને ઈન્ફેક્શન પણ થઈ શકે છે.તમારા મોબાઈલના માધ્યમથી બેડ અને ડાઈનિંગ ટેબલ સુધી બેક્ટેરિયા આસાનીથી પહોંચી જાય છે.

વધુ વાંચો: સ્વસ્થ્ય રહેવા માટે પુરતી ઊંઘ જરૂરી...શું તમે ઊંઘ વિશે આ 10 વાતો જાણો છો?

આ બેક્ટેરિયા તમને કરે છે બિમાર

શૌચાલયમાં તમે સાથે મોબાઇલ લઇ જાવ છો પરંતુ મોબાઇલ પર બેક્ટેરિયા આવી ગયા હોય છે.  જે હાથથી મોબાઈલને ટચ કરો છો તે હાથથી જ જયારે તમે જમો છો તો કીટાણું પેટમાં જાય છે. જેનાથી ઝાડા, ઉલટી અને પાચનથી જોડાયેલી અનેક બીમારીઓથી પરેશાન થઈ શકો છો.ટોયલેટમાં  ફ્લશ કરવાથી બેક્ટેરિયા હાઈ-સ્પીડ પાણીમાંથી હવાના સંપર્કમાં આવે છે આ બાદ બાથરૂમમાં રાખેલી અન્ય વસ્તુઓ સુધી આ બેક્ટેરિયા સરળતાથી પહોચી જાય છે. ઇ-કોલી બેક્ટેરિયા ફ્લશમાં 6 કલાક સુધી રહે છે. આ બેક્ટેરિયાના સંપર્કમાં આવાથી તમે બીમાર પડી શકો છો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો