- સવારે 3:30 વાગ્યે ઉઠી અને 4 કલાક અભ્યાસ કરવો
- રજાના દિવસે 10 કલાક અભ્યાસ કરો
- ફોન પર અભ્યાસને લગતા વીડિયો જરૂરથી જોવા
UPSC પરીક્ષા
UPSC દેશની સૌથી અઘરી ગણાતી પરીક્ષાઓમાંની એક છે. એટલે તેના માટે સખત મહેનત, સમર્પણ અને આત્મવિશ્વાસ જરૂરી છે. આ પરીક્ષા પાસ કરવાની મહત્તમ ઉંમર 35 વર્ષ છે. એવા ઘણા ઉમેદવારો છે જેઓ પ્રાઇવેટ નોકરી કરી રહ્યાં છે. નોકરી કરતા લોકોને UPSC પરીક્ષાની તૈયારી કરવાનો સમય નથી મળતો. નોકરી છોડી તૈયારી કરવા માટે બેકઅપ હોવું પણ જરૂરી છે. આ પરિસ્થિતિમાં તમારે ડરવું ન જોઈએ. IFS ઓફિસર હિમાંશુ ત્યાગીએ આ ઉમેદવારો માટે અમુક ટિપ્સ શેર કરી છે. જેની મદદથી આ લોકો નોકરી સાથે અભ્યાસનું પ્લાન પણ કરી શકશે.
IFS ઓફિસર હિમાંશુ ત્યાગી
ભારતીય વન સેવા [IFS] ઓફિસર હિમાંશુ ત્યાગીએ 2020માં UPSC પરીક્ષા 25માં નંબરે પાસ કરી હતી. તેમણે આઈઆઈટી રૂડકીથી કેમિકલ એન્જિનિયરિંગમાં બીટેક કરેલ છે. અભ્યાસ બાદ તેમણે ઓઇલ સેક્ટરમાં 6 વર્ષ કામ કર્યું છે. ત્યારબાદ તેઓ IFS ઓફિસર બન્યા. હિમાંશુ ત્યાગીએ 26 મે 2024માં યોજાનારી UPSC સિવિલ સર્વિસની પ્રિલિમિનરી પરીક્ષા અંગે વિધાર્થીઓ સાથે અમુક ટિપ્સ શેર કરી છે. તેમણે આ માહિતી સોશિયલ મીડિયા પ્લેટફોર્મ પર એક્સ [ટ્વિટર]નાં માધ્યમથી શેર કરી છે.
નોકરી સાથે UPSC પરીક્ષાની તૈયારી
જો તમે નોકરી સાથે UPSC પરીક્ષાની તૈયારી કરવા માગતા હોય તો સવારે 3:30 વાગ્યે ઉઠી અને 4 કલાક અભ્યાસ કરવો. તેમણે જણાવ્યું કે સાંજે ઓફિસથી આવીને એક થી બે કલાક અભ્યાસ કરવો જોઈએ. કામ પર મુસાફરી કરતી વખતે અભ્યાસનાં વિડીયો જુઓ. કામ પર જતી વખતે અને કામથી આવતી વખતે તમારે ફોન પર અભ્યાસને લગતા વીડિયો જરૂરથી જોવા જોઈએ. અભ્યાસથી લગતી વસ્તુને ફોન/પીસી પર રાખો. તમારા કાર્યસ્થળ પર જ્યારે બ્રેક મળે ત્યારે તમારે અભ્યાસ કરવો જોઈએ. રજાના દિવસે 10 કલાક અભ્યાસ કરો. આવું કરવા માટે સાતત્ય ખૂબજ જરૂરી છે. 1-2 વર્ષ માટે આ શેડ્યૂલનું પાલન કરો. તમને આત્મવિશ્વાસ મળશે.
