- દુનિયાની અડધી વસ્તી માનસિક સમસ્યાઓથી પીડિત છે
- પુરુષોમાં આલ્કોહોલનું સેવન, ડિપ્રેશન અને ફોબિયા જેવી સમસ્યાઓ જોવા મળી
- દરરોજ શારીરિક પ્રવૃત્તિ કરો, વ્યાયામ માનસિક સ્વાસ્થ્યમાં પણ સુધારો કરે છે
Alarming Mental Health Trends: શરીરને ફિટ રહેવાની સાથે સાથે મનનું પણ ફિટ હોવું ખૂબ જ જરૂરી છે. માનસિક સ્વાસ્થ્યને ક્યારેય હળવાશથી ન લેવું જોઈએ. ઘણા લોકો માનસિક સમસ્યાઓને રોગ પણ નથી માનતા. પરંતુ હકીકત એ છે કે અડધી વસ્તી માનસિક સમસ્યાઓથી પીડિત છે. ત્યારે આ અંગે એક ચોંકાવનારો ખુલાસો થયો છે. અભ્યાસ મુજબ, વિશ્વની અડધી વસ્તી 75 વર્ષની ઉંમર સુધીમાં માનસિક વિકારનો શિકાર બની જશે. આવો તેના વિશે વિગતવાર જાણીએ...
શું કહે છે સ્ટડી?
યુનિવર્સિટી ઓફ હોવર્ડ મેડિકલ સ્કૂલ દ્વારા કરવામાં આવેલા અભ્યાસમાં એક લાખ 50 હજાર લોકોને સામેલ કરવામાં આવ્યા છે. જેમાં વર્ષ 2021 અને 2022માં 29 દેશોના લોકોએ ભાગ લીધો હતો. આ સ્ટડી અનુસાર, વિશ્વની અડધી વસ્તી 75 વર્ષની ઉંમર સુધીમાં માનસિક વિકારનો શિકાર બની જશે.
ઉલ્લેખનીય છે કે, સંશોધનમાં સામેલ પુરુષો અને મહિલાઓમાં ત્રણ માનસિક વિકૃતિઓ સામાન્ય હતી. તેમના મતે, લોકોમાં હતાશા અને ચિંતા એકદમ સામાન્ય છે. પુરુષોમાં આલ્કોહોલનું સેવન, ડિપ્રેશન અને ફોબિયા જેવી સમસ્યાઓ જોવા હતી. સાથે જ મહિલાઓમાં ડિપ્રેશન, પોસ્ટ ટ્રોમેટિક સ્ટ્રેસ તેમજ ફોબિયા જેવી સમસ્યાઓ પણ જોવા મળી હતી.
મેન્ટલ હેલ્થ ખરાબ થવાના લક્ષણ
- મેન્ટલ હેલ્થ બગડવાની સૌથી મોટી નિશાની એ છે કે આમાં વ્યક્તિ સામાજિક પ્રવૃત્તિ છોડી દે છે અને કોઈપણ પ્રકારનું કનેક્શન જાળવી શકતી નથી.
- વ્યક્તિ વધુ પડતી ચિંતા કરવા લાગે છે. ચિંતા એટલી વધી જાય છે કે દરેક નાની-નાની વાત પર ડર લાગવા લાગે છે.
- ખુશ થવું કે બિલકુલ ખુશ ન લાગવું એ પણ નબળા માનસિક સ્વાસ્થ્યના લક્ષણો છે.આ સિવાય કામમાં રસ ન હોવો.
- ઊંઘની આદતો પણ બદલાય છે. જેમ કે રાત્રે ઊંઘ ન આવવી, દિવસ દરમિયાન સૂવું, રાત્રે વારંવાર જાગવું કે સવારે મોડે સુધી સૂવું. આ બધા નબળા માનસિક સ્વાસ્થ્યના સંકેતો છે.
મેન્ટલ હેલ્થને યોગ્ય કેવી રીતે રાખવી
- મેન્ટલ હેલ્થને યોગ્ય રાખવા માટે, વ્યક્તિએ પ્રકૃતિ સાથે થોડો સમય પસાર કરવો જોઈએ.
- 7 થી 8 કલાકની યોગ્ય ઊંઘ લેવી પણ જરૂરી છે.
- સંતુલિત આહાર લેવાથી તમારા મૂડ અને એનર્જી લેવલમાં સુધારો થઈ શકે છે.
- ધૂમ્રપાન, આલ્કોહોલ અને અન્ય પ્રકારની દવાઓથી દૂર રહો.
- દરરોજ શારીરિક પ્રવૃત્તિ કરો, વ્યાયામ માનસિક સ્વાસ્થ્યમાં પણ સુધારો કરે છે
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
