વિરોધ / પાકિસ્તાન ગંભીર મુશ્કેલીમાં મુકાયું, દેશભરમાં એરલાઇનનું સંચાલન થયું ઠપ, જાણો કારણ

Pakistan News: પાકિસ્તાન ઇન્ટરનેશનલ એરલાઇન્સ (PIA) ગંભીર મુશ્કેલીમાં મુકાઈ ગઈ છે કારણ કે એરક્રાફ્ટ એન્જિનિયરોએ ફ્લાઇટ્સ માટે એરવર્થનેસ ક્લિયરન્સ આપવાનું બંધ કરી દીધું છે અને જેના લીધે સોમવાર રાતથી એક પણ ઇન્ટરનેશલ ફ્લાઇટે ટેક ઓફ કર્યું નથી.

પાકિસ્તાન ઇન્ટરનેશનલ એરલાઇન્સ (PIA) ના એન્જિનિયરોએ પગાર વધારા અને સુરક્ષા ચિંતાઓ પર અસંતોષ વ્યક્ત કરીને વિમાનને મંજૂરી આપવાનો ઇનકાર કર્યો છે. સોમવાર રાતથી કોઈ આંતરરાષ્ટ્રીય ફ્લાઇટ્સ કાર્યરત નથી. હજારો મુસાફરો અને ઉમરાહ મુસાફરો પણ હજુ સુધી એરપોર્ટ પર ફસાયેલા છે.

સોમવારે રાત્રે 8 વાગ્યાથી કોઈ આંતરરાષ્ટ્રીય ફ્લાઇટ રવાના થઈ નથી. સૂત્રો સૂચવે છે કે અત્યાર સુધીમાં ઓછામાં ઓછી 12 શિકડયુલડ ફ્લાઇટ્સને આની અસર થઈ છે. અને ઉમરાહ યાત્રાળુઓ સહિત સેંકડો મુસાફરો ઇસ્લામાબાદ, કરાચી અને લાહોર જેવા મુખ્ય એરપોર્ટ પર ફસાયેલા છે.

સોસાયટી ઓફ એરક્રાફ્ટ એન્જિનિયર્સ ઓફ પાકિસ્તાન (SAEP) એ કહ્યું છે કે જ્યાં સુધી એરલાઇનના CEO પોતાનું વલણ નહીં બદલે ત્યાં સુધી તેના સભ્યો કામ પર પાછા ફરશે નહીં. યુનિયનનો આરોપ છે કે મેનેજમેન્ટ છેલ્લા બે મહિનાથી તેમની ફરિયાદોને અવગણી રહ્યું છે.

એન્જિનિયરો કહે છે કે તેમને આઠ વર્ષથી પગાર વધારો મળ્યો નથી અને હવે સ્પેરપાર્ટ્સની તીવ્ર અછત હોવા છતાં ફ્લાઇટ્સ સાફ કરવા માટે દબાણ કરવામાં આવી રહ્યું છે. "મેનેજમેન્ટના આદેશોનું પાલન કરીને અમે મુસાફરોના જીવ જોખમમાં મૂકી શકીએ નહીં" યુનિયને જણાવ્યું હતું.

દરમિયાન PIAના CEO એ હડતાળને "ગેરકાયદેસર" ગણાવી છે, અને કહ્યું છે કે તે પાકિસ્તાન આવશ્યક સેવાઓ અધિનિયમ 1952 હેઠળ ગેરકાયદેસર છે. તેમણે દાવો કર્યો હતો કે આ હડતાળનો હેતુ એરલાઇનની ચાલી રહેલી ખાનગીકરણ પ્રક્રિયાને તોડફોડ કરવાનો છે.

વધુ વાંચો: ડૉકટર બનવા માટે નાનકડા દેશ બન્યો ભારતીયોની પસંદ, જાણો MBBS માટે કેટલો થાય છે ખર્ચ

એરલાઇનના મેનેજમેન્ટનું કહેવું છે કે તેઓ શક્ય તેટલી વહેલી તકે ફ્લાઇટ કામગીરી ફરી શરૂ કરવા માટે અન્ય કેરિયર્સ પાસેથી એન્જિનિયરિંગ સપોર્ટની વ્યવસ્થા કરવાનો પ્રયાસ કરી રહ્યા છે. જોકે, PIAનું ફ્લાઇટ શેડ્યૂલ સંપૂર્ણપણે ખોરવાયું છે. અને પરિસ્થિતિ સામાન્ય થવાના કોઈ તાત્કાલિક સંકેતો નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ