મોટો નિર્ણય / હવેથી આ રાજ્યમાં મહિલાઓને સરકારી નોકરીઓમાં મળશે 35 % અનામત, ચૂંટણી પહેલા સરકારે ખેલ્યો માસ્ટરસ્ટ્રોક

• મધ્યપ્રદેશમાં મહિલાઓને લઈ સરકારની મોટી જાહેરાત
• નોકરીઓમાં મહિલાઓને મળશે 35 ટકા અનામત
• વન વિભાગમાં આ અનામત લાગું પડશે નહી

MP Women reservation : મધ્યપ્રદેશની શિવરાજ સિંહ ચૌહાણ સરકારે મહિલાઓને લઈને વધુ એક મોટો નિર્ણય લીધો છે. મધ્યપ્રદેશમાં મહિલાઓ માટે 35% સરકારી નોકરીઓમાં અનામત આપવામાં આવશે. શિવરાજની જાહેરાત બાદ સામાન્ય વહીવટ વિભાગે એક નોટિફિકેશન બહાર પાડ્યું છે. આ નિર્ણય બાદ હવે મહિલાઓને સીધી ભરતીમાં 35 ટકા અનામત મળશે.

मध्य प्रदेश ने मध्य प्रदेश सिविल सेवा (महिलाओं की नियुक्ति के लिए विशेष प्रावधान) नियम, 1997 में संशोधन किया है, जिसमें वन विभाग को छोड़कर महिलाओं को भर्ती में 35% आरक्षण प्रदान किया गया है। pic.twitter.com/ELv03kIhGI

— ANI_HindiNews (@AHindinews) October 5, 2023

વન વિભાગને લાગુ પડશે નહીં
મધ્યપ્રદેશ સિવિલ સર્વિસીસ મહિલાઓની નિમણૂક માટે વિશેષ જોગવાઈઓના નિયમ 1997માં સુધારો કરવામાં આવ્યો છે. વન વિભાગ સિવાયના તમામ વિભાગોમાં 35% અનામતની ફોર્મ્યુલા લાગુ કરવામાં આવશે. મહિલાઓને સશક્ત અને આત્મનિર્ભર બનાવવાની દિશામાં મધ્ય પ્રદેશ સરકારનું વધુ એક મોટું પગલું માનવામાં આવી રહ્યું છે. મુખ્યમંત્રીના આદેશ બાદ સરકારી નોકરીઓમાં મહિલાઓ માટે ક્વોટા નક્કી કરવામાં આવ્યો છે.

લાડલી બહેના યોજના હેઠળ મહિલાઓને 1500 રૂપિયા મળે છે.
આ પહેલા પણ સીએમ શિવરાજ સિંહ ચૌહાણે મહિલાઓ માટે અનેક મહત્વની જાહેરાત કરી ચુક્યા છે. લાડલી બહેના યોજના હેઠળ શિવરાજ સરકાર મહિલાઓના ખાતામાં 1500 રૂપિયા આપે છે. શિવરાજ સિંહ ચૌહાણે પહેલા જ કહ્યું છે કે આ રકમ ભવિષ્યમાં વધારવામાં આવશે અને તે દર મહિને 3000 રૂપિયા સુધીની થઈ શકે છે. તેમણે કહ્યું કે આ યોજના હેઠળના નાણાં તબક્કાવાર વધારવામાં આવશે. 

ચૂંટણી પહેલા મોટી જાહેરાત
મધ્યપ્રદેશમાં વિધાનસભાની ચૂંટણીને હવે ત્રણ મહિનાથી પણ ઓછો સમય બાકી છે. રાજ્યની ભાજપ સરકાર મહિલાઓ માટે વિવિધ જાહેરાતો કરી રહી છે ત્યારે કોંગ્રેસ પણ તેના ઢંઢેરામાં મહિલાઓને મહત્ત્વનું સ્થાન આપી રહી છે. આપણે આંકડાઓ પર નજર કરીએ તો જાણવા મળે છે કે રાજ્યમાં કુલ 2.6 કરોડથી વધુ મહિલા મતદાતાઓ છે અને બંને પક્ષો આ વોટ બેંકને જીતવા માટે સખત પ્રયાસ કરી રહ્યા છે.