- જામનગરમાં GCTMનું ઉદ્ધાટન થયું
- ઉદ્ધાટન પ્રસંગમાં હાજર રહ્યાં WHO ચીફ ઘેબ્રેયેસસ
- ગુજરાતીમાં અભિવાદન કર્યું
- ઘેબ્રેયેસસ બોલ્યાં-મને ગુજરાતમાં આવીને સારુ લાગ્યું
- પીએમ મોદી અને મોરેશિયસના પીએમ પણ રહ્યાં હાજર
વિશ્વમાં ગુજરાતી ભાષા તેની આગવી ઓળખને કારણે જાણીતી છે. જામનગરમાં ગ્લોબલ સેન્ટર ફોર ટ્રેડિશનલ મેડિસિનના ઉદ્ધાટન પ્રસંગે પીએમ મોદી સાથે આવેલા WHO ચીફ ડોક્ટર ટેડ્રોસે ગુજરાતી ભાષાનું માન વધારતું કામ કર્યું અને તેમણે તેમના ભાષણની શરુઆત જ ગુજરાતીથી કરી નાખી. આ ઘટનાના સાક્ષી બનેલા પ્રધાનમંત્રી મોદીને પણ ગુજરાતીમાં બોલવાની WHO ચીફની સ્ટાઈલ ખૂબ પસંદ પડી હતી.
ગુજરાત આવીને ઘણું સારુ લાગ્યું-WHO ચીફ
જામનગરમાં WHO ગ્લોબલ સેન્ટર ફોર ટ્રેડિશનલ મેડિસિનના ઉદ્ધાટન પ્રસંગમાં પીએમ મોદીની સાથે WHO ચીફ ટેડ્રોસ ઘેબ્રેયેસસ પણ હાજર રહ્યાં હતા. પોતાના ભાષણની શરુઆતમાં જ ટેડ્રોસ ઘેબ્રેયેસસે ગુજરાતીમાં બોલીને લોકોના દીલ જીતી લીધા હતા. ભાષણની શરુઆતમાં જ WHO ચીફ બોલ્યાં કે કેમ છો બધા, મજામાને, તેમણે એવું પણ કહ્યું કે મને ગુજરાત આવીને ઘણુ સારુ લાગ્યું છે. ગુજરાતીમાં વાત કરવાની તેમની આ સ્ટાઈલને લોકોએ તાળીઓના ગડગડાટથી વધાવી લીધી હતી. લોકોને તેમની ગુજરાતી ખૂબ પસંદ પડી.
ભારત સાથેનો જુનો નાતો યાદ કર્યો WHO ચીફે
WHO ચીફે ભારત સાથેનો તેમનો જુના નાતો પણ યાદ કર્યો હતો. તેમણે કહ્યું કે હું ભારત સાથે એક વિશેષ નાતો ધરાવું છે. મને ભારતમાંથી જ પરંપરાગત દવાઓ વિશે જાણવા મળ્યું હતું. તેમણે કહ્યું કે આ પ્રસંગે હું મારા તમામ ગુરુજનોનો આભાર પ્રગટ કરું છું.
પીએમ મોદીએ વધાવી તેમની ગુજરાતીમાં બોલવાની સ્ટાઈલને
ઉદ્ધાટન પ્રસંગમાં હાજર રહેલા પીએમ મોદીએ WHO ચીફના ગુજરાતીમાં અભિવાદન કરવાને પીએમ મોદીએ વધાવ્યું હતું અને તેમણે તાળીઓના ગડગડાટથી તેમનું સ્વાગત કર્યું હતું. લોકોએ પણ મન મૂકીને તાળીઓ પાડી હતી.
ભારતીય શિક્ષકોએ મને પરંપરાગત દવાઓ વિશે શીખવ્યું
WHO-ગ્લોબલ સેન્ટર ફોર ટ્રેડિશનલ મેડિસિન એ કોઈ સંયોગ નથી; મારા ભારતીય શિક્ષકોએ મને પરંપરાગત દવાઓ વિશે સારી રીતે શીખવ્યું અને હું ખૂબ આભારી છું. હું પણ 'બોલીવુડ' ફિલ્મો જોઈને મોટો થયો છું અને હું સમજું છું કે સ્વિસ આલ્પ્સ 'બોલીવુડ' ચાહકો માટે પ્રિય સ્થળ છે.
મહત્વપૂર્ણ પહેલને સમર્થન આપવા માટે PM મોદીનો આભાર
WHO ચીફે પોતાના ભાષણમાં કહ્યું કે ગ્લોબલ સેન્ટર ફોર ટ્રેડિશનલ મેડિસિન જે અમે શરૂ કરી રહ્યા છીએ તે પુરાવા આધારિત પરંપરાગત દવાને મજબૂત કરવા વિજ્ઞાનની શક્તિનો ઉપયોગ કરવામાં મદદ કરશે. આ મહત્વપૂર્ણ પહેલને સમર્થન આપવા માટે હું PM મોદી અને ભારત સરકારના નેતૃત્વનો આભારી છું.
