દીકરી દરેક પિતાને વ્હાલી હોય છે. અને એ દીકરી પર જ્યારે દુઃખ આવી પડે ત્યારે પિતાનાં દીલને ઠેક પહોંચે છે. આવા જ એક પિતા જેમણે દીકરીનાં દુઃખને પોતાનું દુઃખ બનાવી લીધું. અને જે દીકરીની ધામધૂમથી વિદાય કરી હતી. એ જ દીકરીને સાસરીયામાંથી ધામધૂમથી પરત લઈ ગયા હતા.
સાસરીમાંથી વહુની અનોખી વિદાય
લગ્ન બાદ દીકરીઓની વિદાય ધામધૂમથી થતી જોઈ હશે. પણ કાનપુરમાં એક પિતા દ્વારા તેની દીકરેની ઢોલ નગારા સાથે ઉત્સાહથી પરત લઈ ગયા હતા. પરંતું અહીં મામલો કંઈક અલગ છે. આ નગારા કોઈ ખુશીના કારણે નથી વાગી રહ્યા. પણ અહીં તલાક બાદ પોતાની દીકરીને ઘરે લઈ જતા સમયે એક પિતાએ વગડાવ્યા હતા. ઉત્તર પ્રદેશનાં કાનપુરમાં પોતાની દીકરીને તલાક અપાવ્યા બાદ તેનાં પરિવારજનો દીકરીના સાસરીમાં ગયા હતા. અને ત્યાં ઢોલ વગાડીને વિદાઈ કરાવવામાં આવી હતી. સાથે જ લગ્ન સમયે જે ચુંદડી ઓઢીને દીકરી સાસરીમાં ગઈ હતી. એ ચુંદડીને સાસરીયાનાં ઘરનાં ગેટ પર બાંધી દીધી હતી. કાનપુરનો આ મામલો હવે ચારેય તરફ ચર્ચાનો વિષય બન્યો છે.
ઢોલ-નગારા સાથે દીકરીને લઈ ગયા પિતા
કાનપુર શહેરનાં નિરાલાનગરમાં રહેનારા અનિલ બીએસએનએલમાં કામ કરતા હતા. પણ હવે નિવૃત થઈ ચૂક્યા છે. અનિલે પોતાની દીકરી ઉર્વીનાં લગ્ન શહેરનાં ચકેરી વિમાનનગરમાં તા. 31 જાન્યુઆરી 2016 માં આશિષ રંજન સાથે ધામધૂમથી કર્યા હતા. દીકરી ઉર્વી પાલમ એરપોર્ટમાં કામ કરતી હતી. ઉર્વી એન્જિનિયર છે. અને તેનો પતિ આશિષ પણ એન્જિનિયર છે. બંને દિલ્લીમાં નોકરી કરતા હતા. લગ્ન બાદ બંને દિલ્લીમાં રહેતા હતા.
છૂટાછેડા બાદ વગાડ્યા ઢોલ-નગારા
જોકે લગ્ન બાદ સાસરીયાઓએ વધારાનાં દહેજની માંગ કરી હતી. અને દીકરીનાં રંગરૂપ અંગે ખરી ખોટી સંભળાવતા હતા. જ્યારે ઉર્વીનાં ઘરે દીકરીનો જન્મ થયો તો સાસરીયાએ હેરાનગતિ વધારી દીધી હતી. 8 વર્ષ બાદ પણ સાસરીયા ન સુધરતા દીકરીનાં પિતાએ છૂટાછેડા લેડવાવવાનો નિર્ણય કર્યો હતો. અને તલાક બાદ દીકરીને સાસરીયાથી ઢોલ નગારા સાથે પોતાનાં ઘરે લઈને આવ્યા હતા.
વધુ વાંચોઃ મુંબઇગરા એલર્ટ! આ વર્ષે ચોમાસામાં 22 વાર દરિયામાં જોવા મળશે હાઇ ટાઇડ, બીચ પ્રેમીઓ સતર્ક રહેજો
પિતાનાં મતે જે દીકરીને વહુ બનાવીને સાસરીમાં મોકલી હતી. તેને ફરી દીકરી બનાવીને ઘરે લઈ આવ્યા છે. પિતાનાં મતે એ દીકરી અને પૌત્રીની જવાબદારી ખુદ ઉપાડશે.
