તમારા કામનું / પ્રાઈવસી વિવાદ વચ્ચે WhatsAppને લઈને આવ્યા સૌથી મોટા સમાચાર, તમારે જાણવા જરૂરી

• નવી પોલિસીને લઈ વોટ્સએપની સ્પષ્ટતા
• `તમામ યુઝરનો ડેટા છે સુરક્ષિત'
• `ડેટા નહીં થાય ફેસબુક પર શેર'

ફેસબુકની માલિકીની મેસેજિંગ સર્વિસ વ્હોટ્સએપે કહ્યું કે નીતિમાં તાજેતરના ફેરફારથી તમારા સંદેશાઓની પ્રાઇવસીમાં બદલાવથી દોસ્તો અથવા પરિવાર સાથે કરવામાં આવેલ તમારા મેસેજની પ્રાઇવસી પર કોઈજ અસર નહીં પડે. 

WhatsAppએ કરી સ્પષ્ટતા 

પ્રાઇવસી વિવાદ વચ્ચે  WhatsAppએ એક બીજી સ્પષ્ટતા કરી હતી. જેમાં પહેલા કંપનીએ કહ્યું કે, નીતિમાં બદલાવથી માત્ર વ્હાસપના બિઝનેસ એકાઉન્ટ પર જ અસર પડશે.

We want to address some rumors and be 100% clear we continue to protect your private messages with end-to-end encryption. pic.twitter.com/6qDnzQ98MP

— WhatsApp (@WhatsApp) January 12, 2021

વોટ્સએપે ટ્વીટ કરી આપી જાણકારી 

વોટ્સએપે ટ્વીટમાં કહ્યું, "અમે કેટલીક અફવાઓ દૂર કરવા અને તેને 100 ટકા સ્પષ્ટ કરવા માંગીએ છીએ કે અમે તમારા ખાનગી સંદેશાઓને એન્ડ-ટૂ-એન્ડ એન્ક્રિપ્શનથી સુરક્ષિત રાખીએ છીએ. પ્રાઇવસી પોલીસીના અપડેટથી તમારા મિત્રો અથવા પરિવાર સાથે કરેલી વાતચીતની કોઇ જ અસર નહીં પડે. 

પ્રાઇવસીને લઈને સર્જાયો વિવાદ

આપને જાણાવી દઈએ કે સોશ્યલ મેસેજિંગ એપ વ્હોટ્સએપની પ્રાઇવસી નીતિને લઇને ઘણા વિવાદ સર્જાયા છે. દરમિયાન ગૂગલ પર સર્ચ કર્યા બાદ ફરી એકવાર વ્હોટ્સએપના પ્રાઈવેટ ગ્રુપ દેખાશે. હવે કોઈપણ ગૂગલ પર સર્ચ કરી શકે છે અને વોટ્સએપના ખાનગી જૂથો શોધી શકે છે અને તેમાં જોડાઈ શકે છે. આ સમસ્યા 2019 માં પહેલી વાર જોવા મળી હતી. જો કે, ગયા વર્ષે તેની સુધારણા કરવામાં આવી હતી. ગુગલ પર સર્ચ કરવા પર, વોટ્સએપ યુઝરની પ્રોફાઇલ દેખાય છે. આને કારણે, લોકોના ફોન નંબર્સ અને પ્રોફાઇલ ચિત્ર સામાન્ય ગૂગલ સર્ચ પર જાહેર થઈ શકે છે.