કામની વાત / TDS અને TCS વચ્ચે શું તફાવત છે? ITR ફાઇલ કરતા પહેલા સમજી લો આ વાત વિશે

• TDS અને TCS વચ્ચે શું તફાવત છે?
• બંને કિસ્સાઓમાં રિટર્ન ફાઇલ કરવાની જરૂર છે
• ઈન્કમ ટેક્સ રિટર્ન ભરવાની છેલ્લી તારીખ જાહેર કરી દીધી

શું તમે જાણો છો TDS અને TCS વચ્ચે શું તફાવત છે? કોણે કયું ભરવાનું છે? જો નહીં તો આ સમાચાર તમારા કામના છે. ટેક્સ ડિડક્શન એટ સોર્સ (TDS) અને ટેક્સ ક્લેશન એટ સોર્સ (TCS) કર વસૂલ કરવાની બે પદ્ધતિઓ છે. TDS એટલે ટેક્સ ડિડક્શન એટ સોર્સ. TCS એટલે ટેક્સ કલેક્શન એટ સોર્સ. બંને કિસ્સાઓમાં રિટર્ન ફાઇલ કરવાની જરૂર છે. અમે તમને તેમના વિશે જણાવી રહ્યા છીએ.

જણાવી દઈએ કે ઈન્કમ ટેક્સ ડિપાર્ટમેન્ટે ઈન્કમ ટેક્સ રિટર્ન ભરવાની છેલ્લી તારીખ જાહેર કરી દીધી છે અને કેટલાક ITR ફોર્મ ઓનલાઈન ઓફલાઈન પણ ઉપલબ્ધ કરાવવામાં આવ્યા છે. જો તમે નિયત તારીખની અંદર ITR ફાઈલ કરવામાં નિષ્ફળ જાઓ છો, તો આવકવેરા વિભાગ ભારે દંડ લાદી શકે છે. આવકવેરા વિભાગના જણાવ્યા અનુસાર 31 જુલાઈ 2023 એ પગારદાર વ્યક્તિઓ અને કરદાતાઓ માટે છેલ્લી તારીખ તરીકે જાહેર કરવામાં આવી છે જેમના ખાતાઓનું ઓડિટ કરવાની જરૂર નથી. આ તારીખ સુધી, કરદાતાઓ ઓનલાઈન અથવા ઓફલાઈન ITR ફાઈલ કરી શકે છે.

TDS શું છે?
જો કોઈ વ્યક્તિની આવક હોય તો તે આવકમાંથી ટેક્સ બાદ કરીને બાકીની રકમ વ્યક્તિને આપવામાં આવે તો ટેક્સ તરીકે બાદ કરવામાં આવેલી રકમને TDS કહેવાય છે. સરકાર TDS દ્વારા ટેક્સ વસૂલ કરે છે. તે વિવિધ પ્રકારના આવકના સ્ત્રોતો પર કાપવામાં આવે છે જેમ કે પગાર, વ્યાજ અથવા કોઈપણ રોકાણ પર પ્રાપ્ત કમિશન વગેરે. TDS ભરવાની જવાબદારી ચુકવણી કરનાર વ્યક્તિ અથવા સંસ્થા (કંપની) પર છે. જો તમારા પગારમાંથી કાપવામાં આવેલ TDS તમારી કુલ કર જવાબદારી કરતાં વધુ છે, તો તે ITR ફાઇલિંગ દ્વારા રિફંડ કરવામાં આવે છે.

TCS શું છે?
TCS એ સ્ત્રોત પર એકત્રિત કર છે.  આ ટેક્સ ચોક્કસ પ્રકારના સામાનના વ્યવહાર પર લાદવામાં આવે છે. જેમ કે દારૂ, તેંદુના પાન, લાકડું, ભંગાર, ખનીજ વગેરે. માલની કિંમત લેતી વખતે તેમાં ટેક્સના પૈસા પણ ઉમેરીને સરકારમાં જમા કરવામાં આવે છે. તેને એકત્ર કર્યા પછી, તેને જમા કરાવવાનું કામ વિક્રેતા અથવા દુકાનદાર દ્વારા જ કરવામાં આવે છે. આ આવકવેરા કાયદાની કલમ 206Cમાં નિયંત્રિત છે.