કરિયર / AMCમાં આસિસ્ટન્ટ સીનિયર કલાર્કની પડી ભરતી, જાણો તમામ વિગતો

ગુજરાતના જે યુવાનો સરકારી નોકરીની તૈયારી કરે છે તેમના માટે એક શાનદાર સમાચાર આવ્યા છે. કેમ કે, અમદાવાદ મ્યુનિસિપલ કોર્પોરેશન (AMC) દ્વારા ભરતી પાડવામાં આવી છે. AMCમાં વહીવટી કેડરમાં 'આસિસ્ટન્ટ સીનિયર કલાર્ક'ની ભરતી પાડવામાં આવી છે. જેમાં કુલ 250 જગ્યાઓ ભરવામાં આવશે છે. આ ભરતીમાં 7 જુલાઈ સુધી ઓનલાઇન ફોર્મ ભરી શકાશે.

AMC દ્વારા બહાર પાડવામાં આવેલી ભરતી મુજબ આસિસ્ટન્ટ સીનિયર કલાર્ક ભરતીની જાહેરાત કરવામાં આવી છે. જેમાં ઉમેદવારો 7 જુલાઈ 2026 ના રોજ રાત્રે 23:59 વાગ્યા સુધી AMC ની વેબસાઇટ amcmodules.ahmedabadcity.gov.in પરથી ઓનલાઇનફોર્મ ભરી શકશે.

• શૈક્ષણિક લાયકાત અને અનુભવ

આ ભરતીમાં ફોર્મ ભરવા ઉમેદવાર ગમે તે માન્ય યુનિવર્સિટીમાંથી કોઈપણ શાખામાં 50% કે તેથી વધુ ગુણ સાથે બેચલર ડીગ્રી કરેલી હોવી જોઈએ. આ સિવાય સરકારી, સ્થાનિક સ્વરાજની સંસ્થાઓ, અર્ધસરકારી, બોર્ડ, નિગમ કે કંપની એક્ટમાં રજીસ્ટર સંસ્થામાં વહીવટી કેડરનો ઓછામાં ઓછો 3 વર્ષનો અનુભવ હોવો જોઈએ.

• કોમ્પ્યુટર નોલેજ

આ ભરતીમાં ફોર્મ ભરવા ઉમેદવાર પાસે કોમ્પ્યુટરનું બેઝિક નોલેજ હોવું જોઈએ કે ધોરણ 10/12 માં કોમ્પ્યુટર વિષય હોવો જોઈએ. જો હાલ તમારી પાસે સર્ટીફીકેટ ન હોય તો હાજર થયાના એક વર્ષની અંદર CCC એક્ઝામ પાસ કરવી પડશે.

• વયમર્યાદા

આ ભરતીમાં વયમર્યાદા પણ નક્કી કરવામાં આવી છે. જેમાં અરજી કરવાની છેલ્લી તારીખે ઉમેદવારની ઉંમર 18 વર્ષથી ઓછી નહીં અને 38 વર્ષથી વધુ હોવી ના જોઈએ. પણ અનામત કેટેગરીના અને મહિલા ઉમેદવારોને નિયમ મુજબ વયમર્યાદામાં છૂટછાટ મળશે.

વધુ વાંચો :નિરમાના વિદ્યાર્થીને લિંક્ડઈનની રૂ. 94 લાખની ઓફરઃ ટોપ કોલેજોમાં રેકોર્ડ પ્લેસમેન્ટ, AI નિષ્ણાત યુવાનોની ભારે માગ

• પગાર ધોરણ

જો તમારું આ ભરતીમાં સિલેકશન થશે તો પસંદગી પામનાર ઉમેદવારોને શરૂઆતના પ્રથમ 3 વર્ષ માટે 26,000 રૂપિયા ફિક્સ પગાર મળશે. ત્યારબાદ કામગીરીના મૂલ્યાંકનના આધારે લેવલ-4 પે-મેટ્રિક્સ એટલે કે 25,500 - 81,100 રૂપિયા અને નિયમ મુજબના બીજા ભથ્થાં મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ