અફઘાનિસ્તાન / કાબુલ પર કબજો કરતાં જ માલામાલ થઈ ગયું તાલિબાન, હાથ લાગ્યો આટલો મોટો ખજાનો

• તાલિબાનના હાથમાં 3 ટ્રીલયન ડોલરની સંપત્તિ 
• ખંનિજ સંપત્તિઓ પર તાલિબાનનો કબ્જો 
• મોટા પ્રમાણમાં લિથીયમનો જથ્થો અફઘાનમાં 

અફઘાનિસ્તાન પર કબ્જો મેળવ્યા બાદ તાલિબાનની લોટરી લાગી ગઈ છે. કાબુલ પર કબ્જો જમાવ્યા બાદ તાલિબાને ત્રણ ટ્રીલયન ડોલરની સંપતિ પર અધિકાર મેળવી લીધો છે. જેમા સોનું, ગેસ, લોખંડ, તેલ અને અન્ય ખનિજ સંસાધનોનો ભંડાર તેમણે તેમના હસ્તક લઈ લીધો છે.

તેલનો ભંડાર તાલિબાનના કબ્જામાં  

સંયુક્ત રાજ્ય ભૂગર્ભ સર્વેક્ષણ દ્વારા 2010માં અફઘાનની ભૂમી પર ખનીજ પદાર્થોની કિંમત 1 હજાર અરબ અમેરિકી ડોલર જેટલી બતાવી હતી. પરંતુ હવે તેની કિંમત 3 હજાર અરબ ડોલર પહોચી ગઈ છે. દેશના પૂર્વ ખનન મંત્રી દ્વારાજ આ આંકડાની પુષ્ટી કરવામાં આવી છે. જોકે તે સિવાય અફઘાનમાં મોટા પ્રમાણમાં ગૈસ. તેલ જેવો ભંડાર છે. તે પણ તાલિબાને તેના કબ્જામાં લઈ લીધો છે. 

લીથિયમનો ભંડાર પણ તાલિબાનના કબ્જામાં 

ગત વર્ષે અફઘાન સરકારે ખનીજ સંસાધનો વેચીને 1 અરબ ડોલરની કમાણી કરી હતી. હાલ અપઘાનની ભૂમી પર 1.8 અરબ કાચુ તેલ છે. 2.2 અરબ ટન લોખંડ છે. 1.6 ટ્રિલિયન ક્યૂલિક ફુચ પ્રાકૃતિક ગેસ છે, 14 લાખ ટન જેટલું રેયર અર્થ મટેરિયલ છે. સાથેજ આપને જણાવી દઈએ કે અફઘાનિસ્તાનમાં જે લિથિયમ છે તેનો ભાવ પણ 20 વર્ષમાં 40 ગણો વધી જવાનો છે. 

લીથિયમમાં અફઘાનિસ્તાન સૌથી ઉપર 

અફઘાનિસ્તાનમાં લીથિયમ અને રેયર અર્થ મટિરિયલનો મોટો પ્રમાણમાં જથ્થો છે. જેની ચોક્કસ કિંમત હજુ કોઈને ખ્યાલ નથી. લીથીયમની મોટા પ્રમાણમાં માત્રા હોવાને કારણેજ અમેરિકાએ અફઘાનિસ્તાનને લિથિયમનો સાઉદી અરબ માને છે. એટલે કે જે રીતે સાઉદી અરબ તેલને કારણે માલામાલ છે. તેજ રીતે અફઘાનિસ્તાન લિથીયમમાં માલામાલ છે. 

20 વર્ષમાં લીથિયમનો ભાવ 40 ગણો વધશે 

ઉલ્લેખનીય છે કે લિથીયમ એક એવી ધાતું છે કે જે જળવાયું સંકટથી બચાવામાં મદદરૂપ છે. તેનો ઉપયોગ ગ્રીન ઉર્જાના ઉત્પાદન માટે કરવામાં આવે છે. મોબાઈલ બેટરી અને ઈલેક્ટ્રીક વાહનોની બેટરી પણ લિથીયમમાંથી બને છે. જેથી તેની માગ દિવસેને દિવસે વધી રહી છે. ઈન્ટરનેશનલ એનર્જી એંજન્સીઓનું કહેવું છે કે 20 વર્ષમાં લીથિયમના ભાવ 40 ગણા વધવાના છે.